تحدثت الفنانة رحمة أحمد، عن تفاصيل ارتدائها أزياء غريبة في مشهد ليلة الزفاف الذي جسدته في مسلسل الكبير أوي 6.
وقالت رحمة أحمد، خلال حلولها ضيفة على برنامج 'استديو 9090' على راديو 9090:'أنا مكنتش شايفه أي حاجة وأنا لابسه التايجر حتى الفتحات اللي في راسه كانت ضيقه جدا، ومثلت المشهد كذا مره عشان ابقى عارفه خطواتي'.
وأضافت: 'كنت بضحك تحت راس التايجر أوي بتخيل ريأكشنات مكي كل ما أقوله حاجة، وأغنية عالم الحيوان في المشهد ده كان تاتش جامد جدا'.
أما عن مشهد رقص 'مربوحة'، قالت:'مش بعرف ارقص شعبي، وكان في حركات عارفه إنها تضحك اوي مكنتش بعرف أعملها، وقعدت اتفرج على فيديوهات وأدرب كذا مرة، وفي الآخر أستاذ جندي قالي اطلع سنجه من ورا ضهري وألف في الاوضه كلها أكسرها واستمتعت بتكسير الديكور'.
تابعت: 'ماكنتش متوقعة رد الفعل ده على الحلقة، ومكنتش متوقعة رد فعل أصلا، هو الواحد يعمل اللي عليه وسيبها على الله، اتبسطت اوي بردود الأفعال من كل الناس'.
وبالنسبة لارتداء الفنانة رحمة أحمد زي الممرضة في مشهد آخر، وفهم البعض له بطريقة خاطئة، قالت: 'إن أنا أوضح حاجة معناه إنها مش واضحة، ولكن المشهد ده واضح بدليل أن الناس كلها ضحكت عليها وده الريأكشن الصح”.
أردفت: 'دايما بلاحظ لما بروح اكشف في مستشفى الطريقة اللي الممرضات بينادوا بعض بيها، ولما صورت مشهد الممرضة لقيت نفسي بنده زيهم وأقول: يا لبنى فين مريض 307، وبالنسبة لتعليق المحلول فده كان مكتوب على الورق من الأول'، مؤكدة احترامها الشديد لمهنة التمريض، لافتة:'طبعا دي مهنة تُحترم بشكل كبير جدا، ودي حاجة عظيمة أوي'.
يعود الفنان أحمد مكي بدرامته الشهيرة 'الكبير قوي'، حيث تدور أحداثه في إطار كوميدي، حول عمدة إحدى القرى، والمحيطين به، وتغيب عن هذا الجزء دنيا سمير غانم التي شكلت مع مكي ثنائية ناجحة في الأجزاء السابقة، في دور 'هدية' زوجته.
المسلسل من بطولة أحمد مكي، ورحمة أحمد، وهشام إسماعيل، ومحمد سلام، وبيومي فؤاد، وعدد من ضيوف الشرف، وهو من إخراج أحمد الجندي، وتأليف مصطفى صقر، وإنتاج سينرجي.
تابعوا آخر أهل مصر على Google News
