ياسمين عز تغازل رجال الدقهلية: من دكرنس لبني عبيد حبيبي شرس وشديد

غازلت الإعلامية ياسمين عز رجال الدقهلية، خلال برنامجها كلام الناس، المذاع عبر قناة إم بي سي مصر، قائلة: 'الرجل الدقهلاوي حد فنان عالمي، لازم يكون حد فاعل ومؤثر وإيجابي عليكي، وعلى ولادك والمجتمع'.

وأضافت: 'لازم تلاقي عنده حاجة يبهرك بيها، مهو مش معقولة الأرض اللي طالع منها عادل إمام ورياض السنباطي وغيرهم مش هطلع ده، مش هتيجي عندك انتي وتقف، لما تشوفي جوزك الدقهلاوي لازم تحتفي بيه وتحتفلي بيه وتهتفي ليه'.

وتابعت: 'تهتفي تقولي إيه.. من أجا للمنزلة الدقهلاوي في أحسن منزلة، من دكرنس لبني عبيد حبيبي شرس وشديد، من طلخا لبلقاس هو عندي أغلى الناس، سقفة لرجالة الدقهلية مش طبيعيين، لو قعدنا نقول فيهم شعر مش هنخلص'.

يشار إلى أن الاعلامية ياسمين عز تثير الجدل دائما في برنامجها 'كلام الناس' المذاع عبر قناة 'أم بي سي مصر'، بسبب محتوى برنامجها وحديثها الدائم عن الرجال وإلقاء خطب فيه، وتتعرض للعديد من الانتقادات والهجوم من رواد مواقع التواصل الاجتماعي.