مروة عبد المنعم لميرهان حسين بعد اعتزالها: أنا أكتر واحدة حاسة بيكي

وجهت الفنانة مروة عبد المنعم رسالة للفنانة ميرهان حسين بعد اعلانها اعتزال الفن في الساعات الماضية.

اعتزال ميرهان حسين الفن

وقالت مروة عبد المنعم في برنامجها تفاحة مصرية على قناة الشمس:'أنا أكتر واحدة الفترة دي قادرة أحس بيكي وبكلامك لأني مريت بالظروف دي..عايزة أقول أكتر حاجة توجع الفنان أنه مايتقدرش خاصة لو عنده ابداع'.

وتابعت مروة عبد المنعم:'الفنان لما يحس أن ابداعه اتكبت بتموت الاحساس والفنان، يا ميرهان وأنا واحدة من قلب الحدث ماتحبطيش ومتيأسيش، كتير فنانين اتحطوا في المواقف دي، فيهم اللي عافر وفيهم اللي استسلم، طول ماعندك الابداع ما تسكتيش اشتغلي حتى لو على نفسك لو في بيتك وقدري نفسك بنفسك لحد متعرفي الناس اللي حسيتي أنهم مش عارفين قيمتك هيعفروا قيمتك في يوم من الايام'.