مصطفى كامل: أقسم بالله ما هترشح لمنصب نقيب الموسيقيين في هذه الحالة (فيديو)

فاز أمس الثلاثاء، الفنان مصطفى كامل بمقعد نقيب المهن الموسيقية بالتزكية، لعدم ترشح أي من المسوقيين على المنصب.

وقال مصطفى كامل في تصريح لـ'أهل مصر': 'مفيش أبدا رئيس منظومة هو بابا فيها، مفيش حد بيعرف يشتغل لوحده، كل واحد بس يمسك ملفه يبقى نقيب فيه، ووزير فيه كمان، واللي هيعرف يقدم في كرسي المجلس، اللي معرفش يقدمه مصطفى كامل، يبقى هو أحق بعد كده بكرسي مصطفى كامل، ولازم نعلن لزملائنا في الجمعية العمومية أن فلان دا حقق في ملف مكنش موجود حقق فيه دا'.

مصطفى كامل نقيبا للمهن الموسيقية بالتزكية

وتابع مصطفى كامل: 'يعرفوا أن فيه زميل أقوى من مصطفى كامل، فيبقى هو أولى بالكرسي دا، أقسم بالله العظيم، أقسم بيك يا رب، يوم ملاقي زميل ليا أحسن مني وأجدر مني، أقسم بالله ما هترشح'.

وأضاف كامل:'أمنية حياتي أنام في بيتي، بس ألاقي في مهنتي ناس تستاهل تديرني، عشان هيبقى رئيسي، ولازم يبقى أحسن مني'.