نشبت مؤخرا أزمة كبيرة بين الملحن عمرو مصطفى، والمطرب رامي جمال، بعدما تبادل كلاهما الانتقادات على أثر هجوم عمرو مصطفى ضد زملائه بالوسط الغنائي، واتهامهم بسرقة ألحانه.
رامي جمال استغل وجوده في برنامج «حبر سري»، مع الإعلامية أسما إبراهيم وهاجم عمرو مصطفى قائلا: «أنا المبدع مفيش حاجة في الدنيا متوقفة على شخص، والملحن من غير شاعر وموزع شاطر أداة، والمطرب الشاطر اللي سماه أداة.. غير كدا مكانش هيبقى قاعد يتكلم إنه ملحن شاطر».
وواصل رامي جمال: «في الحقيقة في نوع من النرجسية، أنا مش بحبه.. وفي فرق بين إنك واحد من الملحنين العباقرة اللي التاريخ مش هينكرهم، لكن لسة مين كدا مزعلتوش منك، عاب في كل زمايله، ولما تعيب في زمايلك إنت بتعيب في مهنتك، وأنا شايف إننا نكبّر بعض أحسن».
وأضاف رامي جمال قائلا:«أنا عارف إن عمرو أطيب من الطيابة، لكن الناس العادية بتشوف مشاكلنا.. ليه نصدّر لهم إننا مش بنحب بعض بالشكل دا؟!».
عمرو مصطفى يرد على رامي صبري
في المقابل رد عمرو مصطفى على حديث رامي جمال، عبر رسالة على حسابه في فيسبوك قائلا: 'هو أنا أترككم تتعدوا بشكل غير قانوني على ألحاني يعني، لحن تم غناؤه في برنامج على الهواء، أخدته وعملت منه أغنية، وصورتها، وفي الآخر طالع تقول عليا نرجسي، نحن في زمن يصدق فيه الكاذب ويكذب فيه الأمين' .
وأضاف: 'أقسم بالله لو شوفتك في أي مكان إنت وأشكالك لن تجدوا مني غير نظرة احتقار، وأوعى تجري تسلم عليا زي ما عملت قبل كدا، علشان ههزقك، وأوعي تجيب اسمي تاني في مكان علشان هقاضيك، إنت وكل اللي شبهك، من مطربي الدرجة الخامسة، زمن الرويبضة'.
تابعوا آخر أهل مصر على Google News
