علقت سمية الخشاب على الهجوم الذي تعرضت له بسبب أحدث أغنياتها التي تحمل اسم 'اركب على الموجة'، والتي طرحتها قبل أيام عبر قناتها على يوتيوب ومختلف منصات الموسيقى في الوطن العربي.
وطرحت الفنانة سمية الخشاب أغنية تحمل اسم 'اركب على الموجة' عبر قناتها على يوتيوب ومختلف منصات الموسيقى في الوطن العربي، حيث تسببت في جدل كبير.
أول تعليق من سمية الخشاب بعد أغنية "أركب الموجة"
وقالت الفنانة سمية الخشاب خلال لقائها مع برنامج ET بالعربي: 'أنا عملت دعاية وصورت في البيت بلبس غير بتاع الكليب، وبعد نص ساعة الفيديو بقى 5 ملايين مشاهدة، وفي 3 أيام تخطى 13 مليون وده رقم مكنتش أحلم بيه، لكن الكليب لسه منزلش يا جماعة'.
وأوضحت سمية الخشاب: 'بقول في الأغنية أنفخ عوامة مفسية ودي جملة عادية، بس إحنا مصريين دمنا شربات وبناخد الحاجات في الإطار اللي بيضحكنا، ودي خفة دم المصريين لازم نتوقع منهم دي، ولما جيت وقت تغيير الكلمات في الأغنية قولتلهم الكلمة دي جريئة والناس هتحط عليها كلمات، ولكن ده العادي ده كلام الشارع'.
وتابعت سمية الخشاب: 'أنا سعيدة جدًا بنجاح أركب على الموجة، الأغنية نزلت في وقت صح في ظل الأجواء اللي احنا فيها وانقطاع الكهرباء والناس اللي متعودة على التكييف، وإحنا صورنا الكليب في وقت صعب أوي وفي الغردقة ودرجة الحرارة فيه 40، وكل الفنادق كانت مليانة'.
وأضافت سمية الخشاب: لكن الحمد لله المكان اللي صورنا فيه كان فيه ناس أجانب ورانا ومكنوش مركزين مع الكاميرا والحمد لله تفاعلوا أوي مع الأغنية وكانوا مبسوطين بيها.
وعن كواليس اختيارها للأغنية، فقالت سمية الخشاب: الأغنية جريئة وجميلة شبابية ولذيذة وخفيفة للصيف، وشيلنا كلمات وحطينا مكانها كلمات تانية، وهي مناسبة جدًا للوقت ده، وقالوا لازم تتصور فيديو كليب.
سمية الخشاب تطرح أركب الموجة
طرحت الفنانة سمية الخشاب، أغنيتها الجديدة 'اركب على الموجة'، أجدد أعمالها الغنائية ، وذلك عبر حساباتها بمنصات الاستماع الموسيقية الإلكترونية.
وروجت سمية الخشاب، لأغنيتها الجديدة مقطع فيديو من أغنيتها الجديدة أركب على الموجة، وذلك خلال حساباتها الرسمية بمواقع التواصل الاجتماعي، معلقة: أركب على الموجة، دلوقتي على اليوتيوب وكل المنصات.
تابعوا آخر أهل مصر على Google News
