مصمم شعر أسما شريف منير يكشف سعر اللوك بعد حلاقة شعرها.. مفاجأة

احتلت أسما شريف منير التريند على مواقع التواصل الاجتماعي، وأصبحت حديث السوشيال ميديا بعد حلاقة شعرها وظهورها بـ لوك مختلف في مهرجان القاهرة للدراما في دورته الثانية الذي أقيم بمدينة العلمين بالساحل الشمالي.

وتواصل موقع أهل مصر مع المصفف الخاص بـ أسما شريف منير ليكشف عن سعر حلاقة شعرها وتغيير لونه، وأكد على أنه صمم على أن تقوم أسما بقصه لـ نفسها.

وكشف مصفف الشعر عن سعر اللوك وقال: القص مع تغيير اللون يتجاوز الـ 2000 جنيه، معبرا عن سعادته بـ أن أسما شريف منير خطفت الأنظار خلال المهرجان.

اسما شريف منير

اسما شريف منير

اسما شريف منير

اسما شريف منير

اسما شريف منير

شريف منير يعلق على قص شعر أسما ابنته

علق الفنان شريف منير، على ظهور ابنته الأخير حليقة الرأس خلال حضورها فعاليات افتتاح مهرجان القاهرة للدراما في دورته الثانية بالعلمين الجديدة، قائلا: 'إيه الدوشة اللي إنتو عاملينها دي وإيه الضجة اللي إنتو عاملينها دي، كل ده عشان بنتي قصت شعرها قدام الكاميرا إيه الغلط اللي هي عملته، تصرف عادي جدًا مفيهوش أي حاجة، إوعوا تفتكروا إني هاجي على بنتي عشان خاطر أكسب رضاكم.. دي بنتي اللي ماليش غيرها وبحبها'.

وأضاف خلال فيديو له عبر حسابه الرسمي على موقع تبادل الصور والفيديوهات 'انستجرام' : 'بالمناسبة اللوك اللي عملته عاجبني وأنا مبسوط منها أوي، بس قبل ما الأخوة السادة الملايكة الصالحين اللي عمالين يقلوا أدبهم ويشتموا، وبيقولوا تاخد التريند وجاتها البلاء في شكلها وبيقولوا أبوها معرفش يربيها، لا أنا بنتي متربية كويس جدًا بس هي بتتصرف باللي هي حاسة بيه، المهم إنها متكونش بتأذي حد'.

وتابع: 'قبل ما تتكلموا بصوا على نفسكو واتفرجوا على عيلتكو وعلى إخواتكم وعلى الناس اللي حواليكو قبل ما تنتقدوا وتغلطوا وتقولوا متربتش بـ 3 تعريفة أو بربع جنيه تربية، لا أنا بنتي متربية كويس جدًا'.

أسما شريف منير

وكانت نشرت أسما فيديو جديد لها عبر خاصية ستوري من خلال حسابها الشخصي على موقع تبادل الصور والفيديوهات إنستجرام.

وظهرت أسما، خلال الفيديو وهي تقص شعرها بماكينة حلاقة على الزيرو، وعلقت قائلة: 'شعري بقاله فترة بيقع جامد، ده غير أن من كتر العمايل اتحرق و بقي مش صحي خالص، غير الغدد وتأثيرها عليه، قررت أنفذ قرار كان بقالي كتير أوي نفسي اخده، ابداً من جديد، احرر نفسي، افتح صفحة جديدة، حقيقي هو قرار صعب جداً بس حسيني بقوة و تفاؤل'.

وتابعت: 'رميت ورايا حاجات كتيرة أوي بمجرد اني شلت شعري، قلبي كان بيدق جداً وبعديها حسيت اني مليانة ادرينالين.. خطوة جريئة و مرعبه بس حسه اني طالعة منها بدرس عارفة أن في ناس كتير هتهاجمني بس أنا فرق معايا إحساسي بالراحة اللي أنا حساها دلوقتي.. عادي هيطول تاني بس الاحساس ده مش هحسه غير مرة.. بكره هتشوفوا النتيجة الاخيرة'.

وعلقت أسما شريف منير، على المنتقدين، أنها أحبت هذه الخطوة لأنها جريئة وتحتاج لقوة، وعلقت: 'محدش يقدر يعمل كده'.