جدد الفنان شريف منير، دفاعه ودعمه لابنته أسما، ردا على الانتقادات العنيفة التي تتعرض لها، منذ ظهورها حليقة الرأس، في افتتاح فعاليات مهرجان القاهرة للدراما، الذي عقد منذ أيام.
ودعم شريف منير ابنته أسما، بنشر صورة برفقتها ومعهما بناته من زوجته الثانية، وهو ما تفاعل معه المتابعون بالعديد من التعليقات منها: 'أحلى عم شريف في العالم، ربنا يباركلك فيهم يا رب، وعجبني الفيديو بتاعك والله'.
وقال آخر: 'ما شاء الله عليكم ربنا يحفظكم أسما إنسانة مسلحة بالعلم والثقافة، وأستاذ شريف ممثل قدير، وعائلتك كلها ذوق وأدب، تحياتي لك من ليبيا'، وذكر تعليق ثالث: 'ربنا يخليكم لبعض ديما ويحفظكم ويسعدكم يا رب العالمين'.
شريف منير يدافع عن ابنته أسما
يشار إلى أن شريف منير دافع عن ابنته أسما، بعد الهجوم عليها بسبب حلق رأسها، وقال في مقطع فيديو عبر حسابه بموقع إنستجرام: 'إيه الدوشة اللي انتوا عاملينها دي، وإيه الضجة اللي انتوا عاملينها دي، كل دا علشان بنتي قصت شعرها قدام الكاميرا؟ إيه الغلط اللي هي عملته؟ تصرف عادي جدًا مفيهوش أي حاجة'.
وأضاف شريف منير: 'اوعوا تفتكروا إني هاجي على بنتي عشان خاطر أكسب رضاكم، دي بنتي اللي ماليش غيرها وبحبها.. بالمناسبة اللوك اللي عملته عاجبني وأنا مبسوط منها قوي.. بنتي متربية كويس جدًا، بس هي بتتصرف باللي هي حاسة بيه، المهم إنها متكونش بتأذي حد'.
وواصل قائلا: 'اللي حصل من بنتي مش غلط ومش عيب، هي مغلطتش في حد فيكو، ومغلطتش في نفسها..أنا أب مسؤول إني أحميها، وهي حرة في تصرفاتها، وأسما أنتي شكلك زي القمر، وشكلك حلو جدًا، وخدتي الترند.. برافو عليكي'.
وانهى حديثه قائلا: 'متسمعيش كلام حد ومتهتميش بكلام حد، وأنا مش مهتم بالكلام اللي بيتقال عليا ولا عليها، بنتى أم ولديها بنوتة ومسئولة عن نفسها، المهم إننا مش بنضر حد'.
تابعوا آخر أهل مصر على Google News
