عبرت الفنانة منى زكي عن سعادتها بـ نجاح مسلسلها الرمضاني الأخير 'تحت الوصاية'، وأكدت على أنه كان بمثابة 'طبطبة' من الله عليها، وذلك بعد تعرضها لـ لحملات تشوية وانتقادات لاذعة منذ فترة.
وقالت منى زكي خلال لقائها في برنامج 'أحلى النجوم' من تقديم بوسي شلبي عبر قناة ten: 'ربنا طبطب عليا اللي حصل ونجاح تحت الوصاية وتوفيق ربنا في المسلسل ربنا بيطبط عليا وعلينا كلنا، في حاجات بتكسرنا في وقت لكن الأهم إزاي نعرف نقف تاني على رجلينا ونسد ودننا ونركز في الهدف اللي عاوزين نحققه'.
وتابعت منى زكي: 'السوشيال ميديا خلتنا بنتعامل مع ناس مجهولة ومش عارفين إيه ورا تفكيرهم هل دا مقصود ولا مش مقصود حقيقي ولا لأ، أنا بحاول مهما حاجة وجعتني وكسرتني أعرف أقف وأركز في هدفي، وأنا هدفي أعمل فن حلو أكون مستمتعة بيه ودا بيوصل للناس'.
منى زكي
أبدت الفنانة منى زكي، سعادتها البالغة بتكريمها في مهرجان القاهرة للدراما، كأفضل ممثلة عن دورها في مسلسل 'تحت الوصاية' الذي عرض رمضان الماضي.
وقالت 'زكي' خلال مداخلة هاتفية مع برنامج 'حضرة المواطن'، المذاع عبر قناة 'الحدث اليوم': 'كرم كبير والحقيقة مش أنا بس ده ناس كتير يستحقوا، الفضل الأول في الفكرة للكتاب الكبار خالد وشيرين دياب، هما الأساس في الورق وكمان الشكل النهائي والصورة بتاعت كل زمايلي نتاج فنان كبير عظيم المخرج محمد شاكر خضير'.
وأضافت: 'احنا شغلتنا عبارة عن عمل جماعي فيه عناصر كتير جدًا مشتركة فيه، وإذا كل العناصر معملتش شغلها بحب وضمير أكيد مش هتكون النتيجة كدة، والحقيقة إن اللي ورا الكاميرا مجموعة فنانين وفنيين موهوبين، صناعتنا صناعة مهمة؛ مش لأنه ممكن نوصل منها قضايا كبيرة، ولكن مجرد رسم ابتسامة ومشاركة إحساس حد فاكر إنه لوحده كل ده بالنسبة لي طوق النجاة في الحياة'.
وتابعت: 'مش هتكلم على لقب نمبر وان لأنه حاجة متخصنيش، العمل الفني هو عمل جماعي سواء مسرحي أو تليفزيوني أو إعلامي'.
تابعوا آخر أهل مصر على Google News
