سارة نخلة تهاجم محمد التاجي: «بيقول كلام ضد عاداتنا وتقاليدنا»

هاجمت الإعلامية سارة نخلة، تصريحات الفنان محمد التاجي، والذي شجع من خلالها الشباب بعدم الزواج قائلة: 'لما نلاقي فنان كبير قدر وقامة عمال بيقول كلام غير مفهوم وغير لائق ولا يشبه عاداتنا وتقاليدنا وديننا والمجتمع اللي إحنا عايشين فيه'.

سارة نخلة تهاجم محمد التاجي

وتابعت سارة نخلة خلال برنامجها «فيس أوف» على شاشة قناة هي: «تخيل لما راجل كبير يقولك متتجوزوش ودي سنة ربنا إننا نتجوز ونعمل عيلة، المال والبنون زينة الحياة الدنيا طيب هنجيب عيال أزاي من غير مانتجوز، لما نلاقي حد بيقول الكلام دا أول سؤال لازم نسأله هل حضرتك ترضى دا على أهل بيتك ترضى في يوم من الأيام ابنك يقولك معلش أنا عايز أعمل قلة أدب أنا مش عايز اتجوز! إحنا في بلد إسلامي ومحترم وبيحترم العادات والتقاليد'.

وأضافت: 'والشق التاني حضرتك شايف أن الدولة اللي بتحترم المرأة والقانون مش بتغفر لحد، حضرتك شايف أن الدولة بتظلم الراجل؟ ومتضايق أن الدولة بتدعم المرأة لأنها نص المجتمع وبتربي النص التاني من المجتمع'.

وكشفت المستشارة هايدي الفضالي خلال مداخلة هاتفية عبر فيس أوف عن تعديلات القانون القادمة عن حقوق الأب قائلة: دي عبارات شاذة عن المجتمع وقوانين المرأة وقوانين الرجل هي قوانين الأسرة المصرية اللي هدفها تحافظ على الكيان كامل عشان كدة القانون اهتم بقوانين المرأة وقانون الأب والتعديلات القادمة عن حقوق الأب في الاستضافة وإننا مش عايزين قائمة المنقولات يبقى فيها حبس.