أحيت الفنانة الشابة إيمي طلعت زكريا الذكرى الرابعة لوفاة والدها الفنان طلعت زكريا، التي تحل اليوم الأحد الموافق 8 أكتوبر مطالبة الدعاء له بالرحمة والمغفرة.
وشاركت إيمي طلعت زكريا جمهورها بـ إحياء ذكرى والدها من خلال عدد من الصور التي نشرتها عبر صفحتها الرسمية على موقع التواصل الاجتماعي 'إنستجرام'، وقالت: زي النهاردة من 4 سنين راح مني أغلى حاجة في دنيتي.. بابا.. ربنا يرحمك ياحبيبى ويغفرلك.. وحشتني أوي.. الفاتحة.
ذكرى وفاة طلعت زكريا
حلت الفنانة الشابة إيمي طلعت زكريا ضيفة مع الإعلامية سارة نخلة خلال برنامجها فيس أوف على شاشة قناة هي للحديث عن أعمالها الفنية وكواليس لأول مرة عن حياة الفنان الراحل طلعت زكريا.
كشفت إيمي طلعت زكريا عن خوف والدها من الحسد وعلاقته بوفاته قائلة: 'بابا مكنش بيخاف من الحسد بس كان بيبقى عارف يعني أول فيروس جاله بعد ما صور فيلم طباخ الريس وصوره قعد وقال يارب أنا حاسس إني هيجرالي حاجة بعد الفيلم دا فلو هيحصل حاجة متجيش في ولادي بعد ٣ أيام بالظبط كلمت دكتور أشرف ذكي ونقلناه على المستشفى وحصل اللي حصل.
طلعت زكريا بعد طباخ الريس
وأضافت معبرة عن دور فيلم طباخ الريس في نجاحه ومرضه: 'حاحا وتفاحة كان بطولته الأولى وكان أول ابناءه في البطولة وبعدها بسبب طباخ الريس كان هيشتغل بالملايين وشركات الانتاج بتجري وراه بس القدر كان ليه كلام تاني وربنا كان عايز كدة وانا بشوف انه مات محسود'.
وتابعت: في مرة قبل وفاته بكام يوم كنت منزلة فيديو ليا أنا وهو من فرح هنا الزاهد وإحنا بنرقص مع بعض وحضناه لقيت واحدة كتبتلي على إنستجرام ما تراعي الناس اللي أبوهم ميت فانا اتخضيت وشيلت الفيديو لاني مكنتش عايزة بابا يحصله حاجة، الحسد مذكور في القرآن والحسد بيدخل للرجل القبر وأنا مؤمنة بيه وتعددت الأسباب والموت واحد بس أنا شايفة إن بابا مات حسد.
برنامج 'FACE OFF' تقدمه الإعلامية سارة نخلة على شاشة قناة هي يوميًا من السبت إلى الأثنين وتستضيف عددا من نجوم الفن وتناقش القضايا المطروحة بين الجمهور.
تابعوا آخر أهل مصر على Google News
