أنا عندي أطيان.. قصة معجبة حاولت إغراء العندليب الأسمر

روى إلهامي سمير، حكواتي فني، قصة معجبة حاولت الإيقاع بـ«عبدالحليم حافظ» في شباكها، وذلك عبر حسابها الشخصي على موقع التواصل الإجتماعي «فيسبوك».

قصص حائرة في حياتي

وكتب «إلهامي»، عبر حسابه الشخصي بموقع «فيسبوك»: «في مقال بعنوان (قصص حائرة في حياتي).. كتب عبدالحليم عن حكاياته مع المعجبات اللي وصل بيهم الحال لأنهم حبوه وكانوا عايزين يتجوزوه، وقال في مرة كان بيحيي حفلة خاصة، وقابل واحدة كانت بتتكلم عنه كويس جدا لدرجة أنه بقى مش لاقى كلام يرد بيه عليها، وفجأة الست اتجرأت، زى ما بيقول، وعزمته على الغدا تانى يوم فاعتذر لها ل لأنه كان مرتبط بمعاد سابق..فقالت له مفيش مشكلة اجي معاك المعاد وبعدين نتغدا».

عندي أطيان

وتابع «إلهامي»: «فرجع تانى اعتذر لها فقالت طيب بلاش غدا خليها عشا، فاعتذر، طيب بلاش غدا وعشا بكرة، خليها بعد بكرة، بعد 3 أيام، وهنا تخلى حليم عن كسوفه، وقالها: والله أنا مش بقبل دعوات زى دى من حد، فالست علت سقف الجرأة ودخلت الموضوع دوغري، وقالت له: طيب بص بقي، أنا هقولك أنا عايزة ايه بصراحة، أنا غنية وعندي أطيان وأراضي ومعنديش مانع اتجوزك، فحليم قالها بس أنا عندي مانع، أنا بحب، بحب الفن ومش ممكن انساه».

أفشل مطرب في مصر

وأضاف «إلهام»: «فالست قفشت وسابته ومشيت، وبقت في كل قعدة تقول أن عبدالحليم أفشل مطرب في مصر، وأنه أي حاجة هيعملها هيفشل فيها».