فتح محمد الترك طليق الفنانة دنيا بطمة، النار عليها وذلك بعد قرار حبسها، وذلك بعد أن اتهمته بأنه السبب في كشف أسرارها وأخبارها في المؤامرة التي كانت ضدها فى قضية «حمزة مون بيبى».
ورد محمد الترك، طليق دنيا بطمة بقوة عبر «تيك توك» قائلًا: «إذا أكرمت اللئيم تمرد، ابكي ومثلي على الشعب المغربي ولكن تجيبي اسمي لا».
وأضاف: «أنا سكتلك بما فيه الكفاية سنتين وتقولي عني إني كنت عميل وجاسوس.. اللي كان بيعمل كدا عيلتك وأولهم أختك.. 9 سنين مستحملك وعيلتك وكل الحاجات اللي بتخطر على بال الكفار استحملتهم، بتقولي عني ببيع أخبارك، عندك إيه أخبار عشان أبيعهم؟ أنتوا اللي مفاضيح، أنتي اللي بتفضحي نفسك، كنت واقف معاكي بخيرك وبشرك كم مرة وقعتي كم مرة عملتي مشاكل ومسكتيش والناس كرهتك وكرهتني معاكي'.
تصريحات طليق الفنانة دنيا بطمة
وأوضح محمد الترك، طليق دنيا بطمة: 'في بيتكم كنتوا بتعيشو على لمبة واحدة عشان التوفير، ولما حد كان بيمرض مكنتوش بتجيبوا ليه دوا أنا اللي كنت بجيب، وعملت عملية جدتك لعيونها، خالك أنا اللي عامل عمليته'.
واختتم حديثه: 'بناتي حارماني منهم سنة ونص.. اللي هما مش في بالك أصلا وخالتك اللي تربيهم، وأنتي بحفلاتك وبتشوفيهم بالشهر مرة، بتمثلي ليه إنك مظلومة ومقهورة؟ مثلي بدموعك على الناس، طول عمرك كدا من يوم ما عرفتك وأنا في مشاكل، وهاخد بناتي منك بالإنتربول، اللي بيصدقوا دموعك المزيفة عيلتك اللي مستوى ذكائهم 3% كنت بتكسف أقول اسمك من أفعالك، عرفتك على أمراء وشعراء وناس ليهم قيمة.. بناتي هاخدهم أربيهم مع أم متعلمة مش جاهلة تلبس النضارة وتقعد على إنستجرام بالساعات'.
تابعوا آخر أهل مصر على Google News
