شريف إدريس عن حالته الصحية: الألم مش طبيعي ومش نافع معاه حاجة

كشف الفنان شريف إدريس تطورات حالته الصحية، بعد مروره مؤخراً بوعكة ألزمته الفراش، حيث نشر التفاصيل عبر حسابه الشخصي على موقع التواصل الاجتماعي فيسبوك.

وكتب شريف إدريس، عبر حسابه بفيسبوك: 'راقد وباخد كمية أدوية ومسكنات مش طبيعية.. وللأسف الألم مش طبيعي، مش نافع معاه حاجة وحالتي النفسية مش قادر أوصفلكم.. أدعو بقي الأهلي يكسب النهاردة 4-1 علشان هي النفسية مش ناقصة.. يا رب فرحة'.

وأعلن شريف إدريس، منذ أيام، مروره بوعكة صحية قائلا عبر حسابه الشخصي بموقع فيسبوك: 'صباح الخير.. شكرا من قلبي لكل الحبايب اللي بيحاولوا يتطمنوا عليا من إمبارح.. وباعتذر عن عدم ردي.. باختصار شديد بقالي فترة ضهري تاعبني، ومأثر على رجلي، لأن عندي انزلاق غضروفي في الفقرات القطنية وأهملته.. وكنت بستحمل وماشي بالمسكنات'.

وتابع: 'إمبارح كنت بجيب حاجات للبيت مع مراتي، وبدأت اتعب بشكل غير طبيعي، وفجأة حصلي تخشب تام في الجزء السفلي، مع كل أنواع الألم اللي ممكن تتخيلوه.. وحاولت اتحمل واخد مسكن لكن الوضع تحول إلى أني في لحظة حسيت أن ضهري هيتكسر حرفيا، وألم في جميع اطراف رجليا الاتنين، ودموعي نزلت من كتر الألم حقيقي'.

وواصل: 'روحت مستشفى وادي النيل اللي بشكر كل طاقم الطوارئ فيه.. عملوا أشعة مبدئيه، والدكتور قالي أنا كنت هدخلك تعمل رنين بس من اللي شايفة من الأشعة مش هينفع، ومش هتقدر تستحمل حتى جهاز الرنين ووراني شكل عضلات ضهري، وهي تتشنج حرفيا'.

وأكمل شريف إدريس: 'علقولي محاليل مسكنات، وكتبلي ادوية أمشي عليها لمدة خمس أيام راحة تامة.. وبعد كده أعمل رنين وابدأ رحلة علاج.. بس بأمانه أنا شفت وحسيت بألم لا يمكن وصفه نتيجة التهاب حاد في الأعصاب.. الحمد لله علي كل شيء.. بشكركم جميعا'.