أعرب الفنان محمد عطية، عن استياءه الشديد من إقامة حفل لاعبة الدي جي بلونديش، في مصر، وهاجم الجهات المعنية المسئولة عن إقامة حفلها في الساحل الشمالي بسببب دعمها الكيان الصهيوني.
محمد عطية يهاجم حفل بلونديش في مصر
وشارك محمد عطية، عبر منصة «فيسبوك» صورة لبلونديش قائلا: «فاكرين حفلة ترافيس سكوت اللي مصر اتقلبت عليها عشان قيم الاسرة المصرية و عاداتنا و تقاليدنا ؟؟؟ دي واحدة اسمها blond:ish، جاية عندها حفلة في مصر يوم 26، وهي صهيونية، وبتعترف بده بكل أريحية، ونزلت بوست، طويل عريض بتدعم فيه الكيان الخرائي في حربه على اخواتنا وأهلنا، ده غير إنها بتقول عن تل أبيب أنها أقرب مكان لقلبها.. يعني هي واضحة وصريحة».
وأضاف «عطية»: «السيد نقيب الموسيقين مصطفى كامل اللي خايف على مصر وأهلها من الألفاظ والانحطاط الاخلاقي، حضرتك مش شايف قيام حفلة زي دي على أرضنا انحطاط أخلاقي؟؟، أتمنى أن الشعارات الوطنية اللي بتقولوهلنا في الأغاني واللقاءات تبقى حقيقية وتطبق على أرض الواقع، الشباب ومنهم اصدقائي اللي كانوا محروقين اوي على حفلة ترافيس سكوت هنسمع صوتهم ولا هيعملوا من بنها».
تابعوا آخر أهل مصر على Google News
