حرصت الإعلامية بسمة وهبة على الدفاع عن المخرج عمر زهران، تعليقا على أزمته الأخيرة وحبسه بعد اتهامه بسرقة مجوهرات الفنانة التشكيلية شاليمار شربتلي زوجة المخرج خالد يوسف.
ونشرت بسمة وهبة، مقطع فيديو عبر حسابها الرسمي على موقع إنستجرام كتبت عليه 'دليل براءة عمر زهران'، وتحدثت قائلة:'أنا تعبانة ومش عارفة أنام، لإن إحساس إن في حد مظلوم وممكن يتحبس صعب وكان أستاذي وبيعلمني وابتديت معاه أول حلقة في حياتي، إنه نازل والكلبشات في إيديه، إيه الغل اللي ممكن يكون جوا البني آدم، يخليه يعمل في حد كدا'.
وتابعت بسمة وهبة:'إذا في حد عايز عمر يموت فعمر مات خلاص، عمر مات من جواه، وأنا مبعرفش استحمل الظلم على حد وعمر زهران أنبل انسان في الدنيا، ودخل بيوت ناس كتيرة، مش عرب بس ومصريين كمان شرفاء محترمين أغنياء وعندهم مجوهرات وعندهم فلوس، والفنانة الراحلة سهير البابلي كان جوزها جواهرجي، وكانت ما شاء الله حبيبتي بتلبس ألماظات كتيرة، اشمعنا أنتِ اللي هيسرقك، لي تعملي فيه كدا، ما تسيبيه في حاله، وتحلي مشاكلك بعيد عنه، بلاش الانتقام دا الانتقام دا وحش جدا'.
وأضافت بسمة وهبة:'دخلتي المجوهرات مصر إزاي، حضرتك أثبتيهم على الباسبور، أي أجنبي ملوش إلا 10 آلاف دولار، ولو معاكي حاجة زي كدا تثبتيها على الباسبور.. حضرتك أثبتيها يا فندم ولا دا يعتبر تهريب، ثانيا بلغتي عن المسروقات ومنزلة لينا صور من على النت طيب ما تجيبي لنا صورك كدا وأنتِ لبساها'.
وتواصل بسمة وهبة:'وبعدين حضرتك مدياله مفتاح البيت وإحنا عمرنا ما ندي مفتاح لحد إلا لما نكون واثقين فيه ومرينا بتجارب معاه خلتنا نثق فيه أي اللي خلى اليومين دول تحصل القلبة دي'.
تابعوا آخر أهل مصر على Google News
