بدرية طلبة تدافع عن مي فاروق: "مش عاجبك إنها لابسة فستان وطرحة؟ هي واخداهم من دولاب أمك!"

دافعت الفنانة بدرية طلبة عن الفنانة مي فاروق التي تعرضت لهجوم شديد في الآونة الأخيرة بعد زواجها من الفنان محمد العمروسي.

كتبت بدرية طلبة عبر حسابها الرسمي على موقع التواصل الاجتماعي 'فيسبوك': 'هي مي فاروق غلطت في إيه؟ عندها 41 سنة وتقولولها احترمي سنك؟ دا فيه بنات في سنها ولسه متجوزوش أصلاً. وبعدين لو على احترمي سنك يبقى تحترمي أنتِ سنك يا اللي كتبتِ التعليق دا!! عملت فرح؟ ما تعمل، يمكن ما فرحتش قبل كده وربنا بيعوضها، بتستكترو الفرح عليها ليه؟'.

وتابعت بدرية طلبة: 'عيالها كبار؟ كويس يعني فاهمين وواعين وراضيين ولا أنتِ شوفتِهم لابسين مقطع وبيعيطوا على جنب؟ دول كانوا فرحانين وبيشاركوها فرحتها ولا أنتِ يا اللي كتبتِ التعليق دا، الحنية بتخر منك واحن على العيال من أمهم؟ مش عاجبك إنها لابسة فستان وطرحة؟ ما تلبس اللي نفسها فيه وهي واخداهم من دولاب أمك؟'.

وأكملت بدرية طلبة: 'اتقوا الله في نفسكم، لا فرح عاتقنا ولا في حزن راحمنا. ناس مريضة وفاضية متعرفوش ربنا، يا تحسدوا وتحقدوا، يا تطلعوا الغل اللي جواكم في التعليقات. ربنا ينتقم منكم'.