مراد فكري صادق: أبويا قرفته كانت حلوة.. ووصيته محدش يصوت عليه

كشف الفنان مراد فكري صادق عن وصية والده الأخيرة قبل وفاته، وذلك أثناء عزائه الذي أقيم مساء اليوم في مسجد الحمادشة الشاذلية.

وقال مراد فكري في تصريح لـ'أهل مصر': 'فرحان إن أبويا في أحسن حتة في الدنيا، وأنا عندي مبدأ صغير إن الناس اللي جاية تحضر الجنازة مش أنا اللي عايزهم، هما اللي عايزين، لأن الجنازة دي ليها ثواب كبير أوي، وإنت بتيجي تودع واحد صاحبك مش بتجامل مراد فكري. أصل ده مش فرح، دي جنازة، إنت بتيجي تودع المتوفى مش بتيجي عشان تجامل فلان. ده بالنسبالي دين كبير في رقبتي لكل واحد رجله خطت وجاتلي، لأن إنتوا إخواتي والمحنة هي اللي بتبين الراجل'.

وتابع: 'الحمد لله كانت قرفته جميلة، مات يوم جمعة ومعظم مكاتب الصحة بتبقى قافلة، لكن الحمد لله الراجل قرفته جميلة، وميت في يوم جميل نص رجب، وميت في فجر صلاة الجمعة، ومتصلي عليه في مسجد ستنا نفيسة، وهو كان عاشق للسيدة نفيسة وكان مكانه المفضل. وكانت وصيته حاجتين: ادفنوني في مقابرنا بتاعة السيدة نفيسة، وصلوا عليّ الجنازة في السيدة نفيسة، ومحدش يصوت في جنازتي، دي كانت كل وصيته'.