أوضح مطرب المهرجانات المعتزل على قدورة، أن أي شخص أصبح في الوقت الراهن يخوض مجال الغناء بدون أن تكون لديه موهبة أو وجود أسباب تشير لذلك، قائلاً: "أي شخص بيبقى قرفان دلوقتي عاوز يغني.. يجيب شوية معدات ويروح الأستديو ويضرب في الحلل".
وأضاف علي قدورة، أثناء مقابلة بببرنامج "تفاصيل" مع الإعلامية نهال طايل، عبر فضائية "صدى البلد 2"، :"أنا كرهت مجال الغناء ودلوقتي بقى عندي محل ملابس وبقيت تاجر كبير.. هي تدابير ربنا خلتني أروح للحتة دي في الوقت اللي هو كان عاوزه، ومكنتش عارف هشتغل إيه أو أصرف من فين، اللي مشاني في الموضوع بتاع الاغاني لأن مكانش معايا فلوس في وقتها".
واشارعلي قدورة، إلى أن الموسيقى حرام وليست كلمات الأغاني، وفي بعض الأحيان أقوم بدندنة أغاني ولكن دون أن يكون في العلن، وأحياناً أسمع الأغاني، موضحاً أن بعض الأشخاص ينتقدون ملابسه رغم إعتزاله الغناء فعلى سبيل أحد المثال انتقده شخص كونه كان يرتدي شورت قصير.
وتابع قدورة: "الناس دلوقتي بقت تنتقدي حتى لو لابس شورت يقولولي إزاي ظاهر العورة كده أو أنت لابس بنطلون طويل ده حرام وحياتي بقت حلوة دلوقتي عن زمان ومبقتش عصبي ومفيش سهر أو شرب وربنا بيبارك في فلوسي علشان بعدت عن الغناء".
يذكر أن برنامج "تفاصيل" يعرض يومي الأحد والاثنين والأربعاء في تمام الساعة الثامنة مساء عبر فضائية صدى البلد 2 وهو من تقديم الإعلامية نهال طايل، ويستضيف البرنامج عدد من نجوم الفن للحديث معهم عن أعمالهم الفنية وأبرز تفاصيل حياتهم كما أنه برنامج اجتماعي خدمي.
تابعوا آخر أهل مصر على Google News
