إيناس الدغيدي تثير الجدل من جديد: "تقنين الدعارة يحمي المجتمع"

تحدثت المخرجة إيناس الدغيدي عن تصريحاتها السابقة التي تتعرض بسببها للهجوم، ومنها رأيها عن ترخيص بيوت الدعارة.

وقالت إيناس الدغيدي خلال لقاء في برنامج الفصول الأربعة: "بيوت الدعارة كانت موجودة في العالم كله وكانت موجودة في مصر قبل الثورة، وترخيص بيوت الدعارة ملهاش علاقة بالدين، أنا مقولتش لازم، أنا بقول فيها حماية للمجتمع واللي بيشتغل فيها".

وتابعت :"لما بتقنن أي حاجة، بتحط لها قوانين وأسس، الدعارة مهنة موجودة في العالم كله من زمان أوي، ولما بتحصرها وتحددها وتحط فيها قوانين والتزامات وعلاجات وصحة، أنت بالعكس بتحميها بدل ما هي متسابَة كده".

وأضافت: "ترخيص بيوت الدعارة بيحد من انتشار مرض الإيدز ومن العنف..لو واحدة بتشتغل كده لحسابها وحد قتلها، مش هتعرف مين عمل كده، لكن لو بتشتغل في مكان مرخص، هيبقى معروف مين اللي عمل كده.. إنما دلوقتي، تلاقي عمارات فيها بيوت بتدار للدعارة من غير أي رقابة".

واختتمت كلامها قائلة: "ما تحجروش علينا التفكير، هو اللي يفكر يبقى كافر؟ اللي يناقش يبقى كافر؟ في علم وتطور، وفي حاجات كتير أوي حصلت في الدنيا".