أوضحت الفنانة مي الغيطي، تعرضها لحادث في تايلاند سبب لها أضرارا بالغة وتسبب في غيابها الفترة الأخيرة، وذلك عبر حسابها الشخصي بموقع انستجرام.
وقالت مي الغيطي في رسالة لها: 'فى ناس كتيرة بتسألني أنا كنت مختفية ليه..من 7 شهور كنت في حادثة حصلت في تايلاند، اتخبطت بعربية نقل في العربية اللي كنت فيها، واتصابت إصابات بالغة، وحصلي كسر في حوضي، وإصابة في العمود الفقري، وكان عندي إصابات داخلية ونزيف داخلي وتلف في الأعصاب في رجلي'.
وتابعت مي: 'قعدت في المستشفى أسابيع في تايلاند ورجعت مصر علشان أكون مع أهلي وأتعالج وسط دعمه، مكنتش حابة أشارك اللي حصل وقتها، كنت محتاجة وقت أتعافى بعيد عن أي ضغط'.
منشور مي الغيطي
وواصلت مي: 'بعد علاج طبيعي فترة وكل شوية نكتشف حاجة جديدة أنا دلوقتي أحسن بكتير جدًا الحمد لله ودي حاجة محدش كان متخيلها بعد فترة نسبيًا قليلة'.
وتابعت الغيطي: 'حاسة إني كنت عايزة أشارك ده دلوقتى عشان أقول أن الجسم عنده قدرة رهيبة على الشفاء، وأقوى بكتير مما نتخيل وأن التعافي بياخد وقت، بس بييجي لو أنت بتمر بوقت صعب، أرجوك كون صبور مع نفسك عشان عدم فقدانك إيمانك أنك هتكون'.
تابعوا آخر أهل مصر على Google News
