علّق خالد بيبو، مدير الكرة السابق بالنادي الأهلي، على أزمة مباراة القمة 130 بين الأهلي والزمالك في الدوري المصري الممتاز، موضحًا أن الأهلي لم ينسحب، بل قرر عدم المشاركة بسبب الأجواء غير المستقرة قبل اللقاء.
وقال بيبو، خلال مداخلة على قناة «القاهرة والناس»: "الأهلي ما انسحبش، لكنه ما شاركش في المباراة، لأنه كان حاسس من قبلها إن كل المقدمات مش في أفضل حال."
وأضاف: "إحنا شايفين حاجات عجيبة من الدور الأول، ومفيش أي سبب يخلي القرعة تتعمل من غير ما حد يشوفها. ولو الذكاء الاصطناعي ظهر في القرعة ووقف، طب ليه ما نجبش حكم بالذكاء الاصطناعي؟"
وتابع: "الأهلي عنده بطولات تكفي وزيادة، لكن الكابتن محمود الخطيب مشكلته مع اللوائح وعدم التنظيم. ولو الأهلي هيخسر بطولة دلوقتي مقابل إن الأمور تتحسن بعد كده، وإن اللوائح تُطبق بعدالة، يبقى مفيش مشكلة."
أما عن إدارة الزمالك، فقال بيبو مستنكرًا: "مين الإدارة اللي بتدير الزمالك دلوقتي؟ المجلس ولا لجنة التخطيط؟ ومين المتحدث الرسمي؟ أحمد سالم ولا ميدو؟ عاوزين نعرف!"
واختتم تصريحاته قائلًا: "ميدو بيلعب لعبة الضغط وبيحاول يظهر إن الزمالك مظلوم، لكن الواقع إن النادي مش مستقر وفي تغييرات كتير بتحصل في إدارته".
تابعوا آخر أهل مصر على Google News
