علقت الفنانة سما المصري، على أزمة الفنان محمد رمضان الجديدة مع ناصر البرنس صاحب مطعم 'كبدة البرنس' الشهير، بسبب دخول رمضان المطعم وقيامه بتصوير مشاهد لأحد أعماله الفنية، المقرر عرضه الفترة المقبلة دون إذنه، وتهديد رمضان للبرنس.
رسالة سما المصري لـ محمد رمضان
وعلقت سما المصري على أزمة محمد رمضان، وتهديده لصاحب مطعم البرنس، عبر حسابها الشخصي على موقع تبادل الصور والفيديوهات 'إنستجرام'، قائلة: 'هو الأسطورة هيطبق البلطجة اللي في الأفلام والمسلسلات في الواقع مع الناس ولا ايييه؟؟ ارجع لعقلك ياحبيشه وسلم نفسك عشان المكان كله محاصر..دا انت طلعت ماسورة مش اسطورة ..اخييييه'.
رسالة سما المصري لـ محمد رمضان
وكان ناصر البرنس، صاحب مطعم 'كبدة البرنس'، قد نشر مقطع فيديو عبر صفحته الشخصية بموقع التواصل الاجتماعي 'فيسبوك'، قال فيه: 'كنت في البيت مريح وسمعت خبر إن محمد رمضان جايلي المطعم طبعا رحبوا بيه وعملوله طرابيزة لـ20 نفر، فأنا ببص لقيت كاميرات رهيبة 7 أو 8، أنا عندي كاميرا وبعت ابني يصور، استغربت وقولت اكلم منتج كليباته أسأله إيه الأمر، وقولتله بتصوروا حاجة لمسلسل البرنس أو فيديو كليب، فقالي متتكلمش في الموضوع ده عشان متزعلش مني'.
وتابع: 'إيه مزعلش دي انت بتهددني، انتم بتيجوا تدخلوا المحل وتصورا كدا من غير ما صاحب المحل يعرف، أو البراند أنا بيجيلي نجوم عريقة كتير هنا، وبصورهم مبقدرش اصور معاهم من غير ما أستأذنهم، بس انت تيجي وتصور هنا من غير إذني، لأ دا أنا أرفع دعوى قضائية وبلدي تجيب لي حقي، أنا فرغت الـ65 كاميرا اللي عندي، واكتشفت إنه بيصور كليب'.
تابعوا آخر أهل مصر على Google News
