إصابة الفنانة ايناس عز الدين بفيروس كورونا.. كشفت الفنانة إيناس عز الدين تطورات حالتها الصحية بعد ساعات من إعلان إصابتها بكوفيد 19، قائلة إنها تستعد حاليا للنقل لإحدى المستشفيات بعد أن ازدادت درجة حرارة جسمها.
نشرت إيناس عبر صفحتها الرسمية بموقع فيس بوك: "حرارتي بدأت ترتفع و اقتربت من 38 ومش بتنزل و ضربات قلبي سريعة جداً و ضيق التنفس زاد بشدة و السعال الجاف بدأ في الزيادة و اتصلت حالاً بوزارة الصحة و هيتصل بيا دكتور في خلال عشر دقايق يبلغني اعمل ايه و اروح اي مستشفى بما ان الاعراض زادت".
وتابعت: "هطلعلكم لايف من المستشفى ابلغكم بكل المستجدات، و برضوا مافيش داعي للخوف او للهلع حرصوا وتنشروش الذعر، وانا قوية و مؤمنة بالله مش خايفة ولا منهارة ومستقرة نفسياً وبعمل اللي عليا والباقي على رب العالمين بمشيئة الله".
وكانت أعلنت المطربة إيناس عز الدين، إصابتها بفيروس كورونا المستجد، وذلك من خلال فيديو بث مباشر نشرته عبر صفحتها الشخصية علي موقع التواصل الاجتماعي فيسبوك.
وقالت إيناس عز الدين في منشور لها عبر فيس بوك :"الحمد لله حتى الان انا حالتي مستقرة الى حد ما و في حجر منزلي لوحدي ومش بختلط بأي شخص وبلتزم بالاجراءات الوقائية المُتبعة و كل ده طبعاً بالمتابعة مع وزارة الصحة الا اذا الحالة سائت ساعتها بيحصل عزل طبي في احدى مستشفيات الحجر الصحي وده الاجراء المتبع من قبل وزارة الصحة معايا ومع ناس كتير وده بروتوكول مُتبع في العالم كله مش في مصر بس ان الحالات السيئة بس هي اللي بتدخل عزل صحي في مستشفيات ومافيش حاجة اسمها لو مريضة انزل اي مستشفى عادية جنب بيتي وتابعت قائلة :" مافيش مستشفى مجهزة انها تستقبل حالات الا المستشفيات المخصصة من قبل وزارة الصحة ودي الوزارة اللي بتحول عليها الحالات اللي محتاجة انها تتعزل في مستشفى والفايرس ليه درجات فيه درجات بتتابع من البيت مع وزارة الصحة وبيتعملها حجر صحي منزلي وفيه حالات بتتدهور فبيدخلوها العزل الصحي بالمستشفيات".
وأكملت عز الدين حديثها قائلة :"وده نظام متبع في العالم كله وانا حالتي تستدعي الحجر المنزلي حتى الان الحمد لله الاعراض معايا كحة جافة جداً نشفان ريق الم شديد في الحلق مع صعوبة في البلع والم بحرقان شديد في منطقة الصدر كأن طوبة على الصدر وهن و ضعف شديد والم في الجسم مع صداع و دوخة بسبب عدم وصول الاوكسجين بشكل كافي بسبب صعوبة التنفس مافيش حرارة حرارتي مش بتاخطى ٣٧ ونص و ده لان الجسم لسه ما وصلش للمرحلة اللي يتهاجم بشدة من الفايرس فتبدأ الحرارة ترتفع علشان تهاجم الفايرس ".
وواصلت قائلة :" مافيش اي داعي للزُعر ولا نشر الهلع بين الناس ابداااااااااً ولا فيديوهات صريخ و صويت ولطم كل ده بيخوف و يرعب الناس وبيخلي فيه طاقة سلبية تخلي ناس كتير من الخوف تتوهم المرض و تخلي المناعة تضعف لان العامل النفسي بيرفع المناعة
وزي ما قولت في الفيديو توخوا الحذر واعملوا اللي عليكم ولكن دون فزع او نشر هلع بين الناس لان الناس فعلاً مش متحملة انشروا طاقة ايجابية وكلموا الناس عن كام حالة اتحولز من ايجابي لسلبي وكان حالة خفت وخرجت من المستشفى وكام حالة عملت حجر منزلي وحالتها كانت بسيطة و اتحسنت وهي في بيتها انشروا الطاقة الايجابية ارجوووووووووووكم الناس محتاجينها".
تابعوا آخر أهل مصر على Google News
