انهيار عقار الإسكندرية.. تامر أمين منفعلًا: الناس عايشة في رعب.. ومحتاجين حل جذري للموضوع ده

انفعل الإعلامي تامر أمين، على الهواء مباشرة بعد قراءة خبر بانهيار عقار في محافظة الإسكندرية من 13 طابق بشكل كامل، وسط حالة من الرعب والألم بين الأسر المتضررة من انهيار هذا العقار.

وخلال تقديمه برنامج 'آخر النهار' المذاع عبر فضائية 'النهار' تابع أمين: 'أنا مش عارف دي المرة الـ 30 ولا الـ 40 اللي أتكلم فيها عن وقوع عقار في الإسكندرية، إحنا زهقنا من الأخبار دي في الإسكندرية، لازم يبقى فيه حل جذري للموضوع ده'.

وأكد أمين أنه يجب أن يكون هناك حلول جذرية للوقوف عن هذه القصة المأساوية المتعلقة بانهيار العقارات في محافظة الإسكندرية، مردفا: 'لازم يبقى في وقفة، أنا عارف أن الملف كبير، خاصة أن المخالفات في البناء في الإسكندرية كبيرة'.

عقار الإسكندرية المنهار

وأردف، أن في فترة من الفترات، كانت المخالفات في البناء جهرا أمام الجميع، وكانت المخالفات مقننة للبعض، مواصلا: 'اللي عاوز تصريح 10 أدوار بياخد، واللي عاوز 5 أدوار بياخد، واللي معدي بياخد تصاريح ويبني، فتراكم الأمر في المخالفات في الإسكندرية لدرجة أصبحت تمثل رعب لأهل الإسكندرية'.

وواصل: 'الناس بتعد الثواني واللحظات اللي عايشاها خايفين من سقوط العقار في أي وقت، الناس بقت عايشة في رعب يا جماعة، لازم نشوف حل للموضوع ده'.