الرئيس السيسي للشعب المصري: متقلقوش محدش يقدر يعمل حاجة

أشاد الرئيس عبدالفتاح السيسي بصلابة وتماسك الشعب المصري خلال المواقف والظروف الصعبة، معبرًا عن تقديره واحترامه للشعب المصري.

وقال السيسي على هامش كلمته باحتفال وزارة الأوقاف بـ«ليلة القدر»، الأربعاء: «كتير من الناس كانت بتراهن أن الظروف الصعبة التي نمر بها سيكون لها تأثير مش طيب على مصر والناس».

وأضاف: «لكن العجيب، اللى بإذن الله، الأمر مكنش كده خالص، لقوا أمة بفضل الله أمة متماسكة صلبة صابرة».

وتابع الرئيس في ختام الاحتفال قائلًا: «متقلقوش… ليه متقلقوش؟! هو (ربنا) اللى في ضهرنا… يعني يطيب لي أن أتحدث عنه وحده في ملكه أبدا أزلًا وحده لا شريك له، محدش يقدر يعمل حاجة، محدش يقدر يعمل حاجة».