تصدرت الفنان وفاء سالم محرك البحث الأكثر شهرة 'جوجل'، وحديث رواد مواقع التواصل الاجتماعي، في الساعات القليلة الماضية، بعد تصريحاتها الأخيرة التي أثارت حالة واسعة من الجدل، إذ تحدثت خلال فيديو عبر قناتها على موقع 'يوتيوب'، عن تعرضها للتحرش من أقاربها في سن صغيرة، وهو الأمر الذي أثر عليها بشكل سلبي لبقية حياتها، وشرحت من خلال الفيديو الذي تفاعل معه عدد كبير من رواد السوشيال ميديا، تفاصيل الواقعة الأليمة.
وخلال السطور التالية يوضح 'أهل مصر'، وفاء سالم تروي لأول مرة تفاصيل تعرضها للتحرش في الطفولة.
وفاء سالم
وفاء سالم تتحدث عن طفولتها القاسية
وقالت وفاء سالم 'وأنا صغيرة، كنت بحب أقعد تحت ترابيزة السفرة، وكنت بلاقيهم كلهم قاعدين على الكراسي، وأنا قاعدة في المكان ده مبيغيروش، وكله بياكل، وكنت بسمع صوت الحلل والاطباق والشوك والسكاكين وريحة الطعام، وأنا في دنيا تانية خالص، وكنت بفصل مع نفسي بمجرد ما بسمع بداية الحوارات.. العالم بتاعي ملهوش دعوة بالعالم اللي فوق'.
وأضافت سالم 'كانوا يعتبروني قطتهم السيامي اللي بيلعبوا بيها، ولما بيحضنوني كنت ببقى عايزة أزقهم، مش قادرة ومش مستحملة بسبب جسمي النحيل، ولما كانوا يبوسوني كنت غصب عني بمسح البوسة من على خدي، وكانوا بيسألوني ليه بتمسحي البوسة.. انتي مش بتحبينا؟، وكنت بتكسف وأقول لا'.
وفاء سالم
وتابعت 'وستهم كانت بتشوكني وبتشوك خدي وريحة نفسهم بالسجائر كانت بتضايقني وببقى عايزة أهرب من كل العالم ده؛ وأكتر حاجة لسه فكراها لحد دلوقتي وكانت بتوجعني جدا وعاملة جرح في قلبي إن بعض القرايب والأغراب كانوا بينتهكوا طفولتي البريئة، بقسوة ووقاحة'.
وأكملت حديثها قائلة: 'في الأول أنا مكنتش بفهم، وكنت بتكسف اتكلم، ودلوقتي كل ده شريط بيمر وبيلف في دماغي وعمري ما نسيته، ولما كبرت كنت بحس إن الطفلة اللي جوايا لسه موجودة، أنا بحب البراءة عشان كدة الطفلة لسه موجودة جوايا، وكان بيحصل معايا حاجات شبه كده لحد وقت قريب، وبيدخلولي من مداخل انتي فتاة أحلامي، انتي كلك أنوثة وجمال، انتي محصلتيش، وكل ده كان مدخل عشان يوصلوا لحاجة، أنا مش قادرة أنطقها أو أقوله'.
وفاء سالم
وأنهت وفاء سالم حديثها قائلة: 'لسه من وقت قريب جدا، كان بيتقالي أنا خالتي كانت ساكنة فوقيكي، وكنت باجي أبص عليكي من بعيد عشان أنا معجب من زمان وهبقى أكلمك، وده كله وجع كبير جوايا، وده كان من ضمن الأسباب إني مشيت، ولسه فيه حواديت وحكاوي هتسمعوها'.
وفاء سالم
وأعلنت النجمة وفاء سالم في الفترة الأخيرة عبر فيديو نشرته على موقع 'يوتيوب'، عن اعتزالها الفن، وقالت إن الأسباب وراء هذا القرار سوف تعلن عنها في الوقت القريب وسترد على جميع الأسئلة.
تابعوا آخر أهل مصر على Google News
