قال اللواء محب حبشي، محافظ بورسعيد، أثناء الاحتفال بالعيد القومي للمحافظة: عندما توليت محافظا على بورسعيد قمت بزيارة مصانع الجنوب، ولاحظت أن من يدير هذه المصانع ليسوا من أبناء بورسعيد، و لكن من محافظة الدقهلية.
وعلق حبشي قائلا: علشان احنا اولادنا عاوزين يبقوا محافظ، ويقعدوا على المكتب ويمسكوا قلم ويلبسوا بدلة وكرافته شيك، ويركب سيارة مرسيدس، لم يروا اللواء محب وهو ملازم وملازم أول ونقيب ورائد وهو بينام على الرمل علشان يبقى محافظ.
وأضاف محافظ بورسعيد: بستأذنك يا ابنى ابدأ واحنا معاك، ابدأ وإيدي في إيدك، اركب فى اى شغلانة، احسن من قعدة القهوة ومصاريف القهوة من بابا وماما، اشتغل يا عم فى اى حاجة، وبعدين ربنا يكرمك.
وتابع: اللى شايفه قدامك دلوقتى قسما بالله احنا سلكنا ترانشات فى دورات المياه، اللى واقف ادامك ده ٣٠ سنة خدمة، خدمت منهم بجوار بيتى عام ونصف، والباقى فى البوسنة، والسلوم، أسيوط، وأنا من شبرا، أكل عيشي وبلد حقها عليا.
واستطرد: النهاردة بتشوف البدلة الشيك والكرافتة الشيك، لكن مشوفتش عملتهم ازاي، روح اقعد أسبوع في السلوم، هترجع تقول يا غربتي، ده انا 20 سنة في هضبة السلوم، بعد إذنك يا ابني ارشق في شغلانة.
تابعوا آخر أهل مصر على Google News
