أعلنت سمر حمزة لاعبة المصارعة والتي شاركت ببطولة أولمبياد طوكيو 2020، اعتزالها رسميًا بعد الخروج المبكر من البطولة الأولمبية.
سمر حمزة تروي إنجازتها وتعلن إعتزالها
ونشرت سمر حمزة تغريده عبر مواقع التواصل الاجتماعي 'فيسبوك'، قائلة: 'تعالوا نحكي حدوتة صغنة كده تعجبكم، سمر حمزة، بدأت مصارعة آخر ٢٠١٣، كان عندها 18 سنة'.
وأضافت: 'لعبت أول بطولة دولية ليها عام 2014 كانت بطولة إفريقيا أخذت فيها أول ومن بعدها لحد دلوقت أول أفريقيا إلى عمرها ما حصلت أصلا في المصارعة النسائية إن بنت تاخد أول باستمرار وبالذات في الميزان 76kg'.
وأكملت: 'شاركت في بطولات دولية وحققت نتائج مستمرة: أول بحر متوسط 2015، نالت جائزة كبرى 2016، خامس بطولة بولندا المفتوحة، رابع دورات التضامن الإسلامي 2017، تم اختيارها من قارة إفريقيا وشاركت في دوري محترفين في الهند، أول بحر متوسط 2018، توالت دورات بحر متوسط 2018، لحد ما وصلت لقبل نهائي في بطولة عالم كبار وأول بنت مصرية توصل وتحقق خامس عالم كبار، المركز الثامن في بطولة العالم تحت 23 سنة، لحد هنا كان مجهود شخصي مع المدرب'.
وتابعت: 'نخش على الجزء إلى فاضل تم عقد رعاية من شركة روابط من 2019 شاركت ف بطولة الجائزة وحصلت ع برونزية تالت دورت الألعاب الإفريقية 2020 بح فاضيه مفيهاش غير إفريقيا 2021 تأني بطولة التصنيف العالمي المركز الأول في البطولة المؤهلة وتأهلت للأولمبياد الميدالية البرونزية في بطولة دانكلوف الميدالية الذهب ف بطولة الجائزة الكبرى الميدالية الذهب في بطولة سارساري إيطاليا، كأم معسكر سمر طلعته في عمرها إلى من 2013 لحد دلوقتي، 4 معسكرات مدة المعسكر قد إيه عشر أيام نشوف بقي إلى يلعبوا معانا وعمرهم ف اللعبة والفكر والروح بتاعت المنظومة؟'.
وأوضحت: 'أنا كسمر حمزة فخورة جِدًّا بالمصارعة النسائية في مصر، سعيدة إن المصارعة النسائية أصبحت على الخريطة العالمية أنا ابتديت العب مصارعة من 8 سنين شوفت إنجازات كرم جابر وبوجي ومن وقتها قررت أكون لاعبة مصارعة زيهم لما العب من 8 سنين في إمكانات محدودة ومتربتش علي فكر صناعة بطل أولمبي وأقدر أوصل لتصدر إفريقية وخامس عالم كبار وبطولات دولية ومصنفة يبقى ده إنجاز لكل بنت بتفكر تلعب مصارعة في مصر، أنا لعبت مصارعة بالصدفة وحلمت أكون بطلة أولمبية واشتغلت على نفسي كثير واستحملت تدريبات شاقة ونقد وتكسير عزيمة عشان أوصل لما وصلت عليه يمكن أكون متربتش على ثقافة الفوز بس أنا مقصرتش واستغليت كل فرصة أتيحت ليا، شجعوا المصارعة النسائية عشان نربي جيل من البنات الصغيرين بفكر جديد وإمكانات أفضل وثقافة مختلفة، الرياضة مش بس ميدالية، دي سنين طويلة من الكفاح والشقاء والتعب مفيش شعور ولا وصف أوصف بي التعب غير الكام كلمه دول، للمعلومة (اللاعب وظيفته في الحياة للتدريب فقط ليس القيام بدور الأشخاص المسؤولين عن الرياضة)'.
وأتمت: 'شكرًا لكل حد وقف جنبي شكرًا مدربي العظيم شكرًا رمايلي إلى أتمرنوا معايا ومن هنا بعلن أني بكتفي، شكرًا للتجربة علمتني كثير
وخسرت سمر حمزة في دور الـ 16 أمام لاعبة منتخب روسيا ناتاليا فوروبيفا صاحبة ذهبية لندن 2012 وفضية ريو 2016، في ثمن النهائي لوزن 76 كيلو جرامًا مصارعة حرة بنتيجة 16-12.
تابعوا آخر أهل مصر على Google News
