وجه الإعلامى أحمد شوبيرحارس مرمي الأهلي ومنتخب مصر، تحذير شديد اللهجة إلى مروجي الشائعات بخصوص الحالة الصحية للاعب مؤمن زكريا نجم الأهلي، بالكف عن مثل هذه الأمور التي تضر اللاعب وأسرته بشكل كبير، خاصة بعد انتشار شائعة وفاته الفترة الماضية.
وقال شوبير فى برنامجه الإذاعي 'مع شوبير' عبر أون سبورت إف إم، 'انزعجت جداً من شائعة وفاة مؤمن زكريا، مؤمن تعبان وبقاله سنين بيجاهد مع المرض وبيحاربه يبقى أولى ندعمه ونقف جنبه مش نزيد محنته ونقول شائعات لا هدف منها سوى انزعاج محبيه'.
وأضاف:'أنا حقيقي مش بحب أتقل على مؤمن واكلمه كل شوية بس بنتواصل بالواتس آب ومن 8 أيام لقيته بعتلي رسالة بيقولي كل سنة وأنت طيب في عيد ميلادي ولما سألته عن صحته قالي ادعيلي'.
وشدد شوبير في تصريحاته: 'عجبني رد زوجة مؤمن لما قالت حسبي الله ونعم الوكيل في اللي قال شائعة وفاته وفعلا معاها حق، السوشيال ميديا بقت مزعجة أوى وكداب اللي سماها مواقع تواصل اجتماعي لأنها عملت تباعد اجتماعي مش تواصل وساهمت في زيادة الفرقة بين الناس'.
وأوضح: 'ابني مثلا لما حصل العطل 6 ساعات لقيته نظف أوضته لأول مرة في حياته لأنه مش لاقي حاجة يعملها، لأن الفيس والواتس آب سرقوا وقتنا'.
تابعوا آخر أهل مصر على Google News
