البعض يحاول كسر طموحي| رسالة غامضة من عمار حمدي قبل لقاء المصري والمقاولون

ابدى عمار حمدي لاعب الأهلي المعار إلى المقاولون العرب، حزنه الشديد بسبب تعرضه للظلم بسبب غيابه عن المشاركة في المباريات مع فريقه الحالي.

رسالة عمار حمدي

وكتب عمار حمدي عبر حسابه الشخصي على إنستجرام:« أصعب حاجة لما الدنيا تفرض عليك حاجة وأنت مش حاببها، والأصعب لما تكون وسط ناس بيحاولوا يكسروا طموحك وأنت بتعافر عشان تنجح وتحقق اللي أنت عايزه».

وأضاف لاعب المقاولون:« إحساس صعب جداً لما تحس بالظلم والقهر من ناس أنت سيبت ناس أحسن منهم وعائد مادي أكبر بكتير عشان تروحلهم وفي الآخر ما يقدروش دا، لأ وكمان عاوزين يقعدوك ويكسروا طموحك وهما عارفين قيمتك كويس أوي بس مفيش في إيدك حاجة تعملها، والحمد لله اللي بيريح الواحد إن ربنا شایف کل دا واللي بتعمله النهارده هيتردلك بكرا، شكوتي لربنا سبحانه وتعالى مش لحد من البشر، ومليش كلمة غير 'حسبي الله ونعم الوكيل».

عمار حمدي مع المقاولون العرب

يذكر أن عمار حمدي انضم لصفوف المقاولون العرب في بداية الموسم، بعد تمسك اللاعب باللعب مع شوقي غريب مدرب ذئاب الجبل آنذاك، قبل أن يرحل غريب عن الإدارة الفنية لتراجع النتائج، ليعيش الفريق فترة عدم الاستقرار الفني.

وشارك عمار حمدي مع المقاولون في 16 مباراة منذ بداية للموسم الجاري، سجل هدفاً وصنع آخر وغاب عن آخر مواجهتين للفريق.