مرتضى منصور: ماليش دعوة باللي ماتوا في الدفاع الجوي.. ومش هنزل انتخابات الزمالك تاني

رد مرتضى منصور، رئيس الزمالك السابق، على اتهامه بقتل جماهير النادي في ستاد الدفاع الجوي.

وقال مرتضى منصور، خلال مؤتمر صحفي أقامه مساء اليوم الأحد: «أنتم اللي عملتم أزمة بوطيب.. القضية زيها زي قضية النقاز وكله موجود بالمستندات».

مرتضى منصور: محدش دفع للزمالك جنيه

وأضاف: «هاتوا لي رئيس نادي على مر التاريخ اتبرع لناديه بـ200 مليون جنيه زي ما عملت».

وتابع: «أنا خلاص مش طمعان أنزل انتخابات الزمالك تاني.. بس مش بعد ما خليته نادي عالمي أسيبه لعصابة تديره».

وواصل: «أقسم بالله العظيم ما ليا علاقة بالولاد اللي ماتوا في قضية الدفاع الجوي.. واللي متأكد إن أنا اللي عملت كده يطلع يحلف».

وأردف: «أنا بناشد سيادة الرئيس أنا ممكن أقول لك مين اللي حامي العيال اللي ماسكين الزمالك ومين اللي جابهم ومين اللي حبسني وعزلني.. أنا لو إرهابي مش هيتعمل معايا كده».

واختتم: «محدش دفع للزمالك جنيه ولا الجنايني ولا مدحت العدل ولا أي حد من اللي بيتكلموا عنهم».