ليلى تطلب الخلع: بيقارني بكل ست بتيجي في التلفزيون

"بيقارنى بكل ست يشوفها فى التليفزيون، أو فى الشارع من ناحية الجمال أو الجسم على الرغم إنى مقبولة الشكل الحمدلله ناس كتير بتقول عليا إنى جميلة ومهتمة بنفسى، إلا هو دايما خناق على كدا وكلمته المستفزة ديما".

"شوفي الستات مش زيك، بقيت أحس إنه متعمد يقلل منى، معرفش ليه لحد ما بقيت مش طايقة العيشة معاه، وقررت أنفصل وسيبه يشبع بالفرجة على الستات فى التليفزيون"، نطقت بهذه الكلمات ليلى وهى داخل محكمة الأسرة لرفع دعوى خلع من زوجها بعد عام ونصف من الزواج مبررة استحالة العشرة معه.

وقالت الزوجة لـ"أهل مصر": "للأسف الخطأ فى البداية إنى اختيار والدته، هى شافتنى مع ناس تقرب لنا، وتكلمت معايا وبعدها بكام يوم لقيتها جات تخطبنى لابنها وجه شافنى وحصل قبول بيننا، واتخطبنا فترة قليلة واتجوزنا والحال اتغير".

وتابع "اكتشفت إنى اتجوزت إنسان مريض نفسي، مهوس إنه يخلى اللى قدامه يفقد الثقة بنفسه، كان بيضغط على أعصابي ويقارنى بكل بنت سواء ممثلة أو راقصة حتى لو شغالة جاية على التلفزيون، ويكسر نفسي بكلامه إنى مش حلوة ومافيش أى حاجة تجذب".

وأكملت "كنت فى الأول بتجاهل كلامه وأقول لما يحس إنى بزعل من كلامه يحاول يتغير لكن دا لا بقى يضايق لو حد شكر فيا أو مدح فى جمالى، يقول لى (أوعى تصدقي نفسك انك حلوة انتى ولا حاجة ومش نضيفة وست مهملة فى كل حاجة، لحد ما وصل إنه يحرجنى قدام الناس، ومبقتش قادرة أتحمل عشان كدا طلبت الطلاق".