أحلام تطلب الخلع من زوجها: بينام جنب أمه

"مرتبط بأمه بشكل مرضي، وبيرجع من الشغل عليها يقعد معاها، وممكن ينام جنبها ويسبني لوحدي"، هكذا اشتكت "أحلام" من زوجها، وهي داخل محكمة الأسرة لرفع دعوى خلع، بعد عام ونصف من الزواج مبررة استحالة العشرة معه.

وتقول أحلام: "علاقته معايا سطحية جدا حتى العلاقة الزوجية ممكن تحصل كل شهر مرة أو مرتين بس، لحد ما بقى فيه جفاء رهيب بيننا ومبقتش قادرة أتحمل أكتر من ذلك، وكرهت الجواز بسببه".

وأضافت الزوجة لـ"أهل مصر": "اتجوزت من سنة ونص جواز صالونات، ومن أول ما اتجوزت وأنا حاسة بضيق وخنقة بسبب والدته، لأنه يقضي كل وقته معها، ومش بيسأل فيا وكأني غير موجودة، يدوب أعمل أكل وانزله ليه ولأمه عشان يأكلوا، بقيت أحس أن مش ليا لازمة نهائي وهو يرجع من الشغل يعقد معاها لأنها ساكنة في الدور الأرضي اللي تحتنا".

وتابعت: "يفضلوا يحكوا وطبعا مينفعش أكون موجودة وسطهما، لأن جوزي يقول لي إن أقعد في شقتي، ويخليني أشعر بالحرج الشديد".