لم تتخيل نرمين أن زوجها الذي قضت معه ما يقارب العامين، تحت سقف بيت واحد، وأنجبت منه طفل، يعاني من الشذوذ الجنسي؛ حيث اكتشفت أنه يدخل على المواقع الإباحية للشذوذ ويتواصل مع رجال ووجدت بينهما رسائل عن علاقة الشذوذ، ما جعلها تقف داخل محكمة الأسرة لرفع دعوى خلع من زوجها مبررة ذلك بقولها 'أنا مش عارفة ازاي خدعني كدا وهو إنسان مش كويس، أنا حتى بقيت قلقانة على ابني لما يكبر ليكون زيه عشان كدا قررت أنه يتربى بعيد عنه أفضل ما يكبر وهو معاه ويبقى نسخة منه'.
اكتشاف شذوذ الزوج
وقالت الزوجة في مستهل حديثها مع 'أهل مصر': أنا اتجوزت من سنتين زواج صالونات من موظف بإحدى الشركات الخاصة، وكانت العلاقة بينا كويسة من أول ما اتجوزنا وخاصة أهله كانوا كويسين جدا معايا، الحمدلله كنت عايشة في بداية الجواز حياة مستقرة جدا الكل يحسدني عليها، وربنا رزقني منه بطفل، كان هو كل حياتي مبقتش أفكر غير ازي أخليه يعيش ويتربى في حياة مستقرة سوية، لكن أتت الرياح بما لا تشتهي السفن لما اكتشفت أن جوزي شاذ جنسيا وليه علاقات ورسائل إباحية مع رجالة، وأنه إنسان مريض بكدا، واكتشفت دا لما كنت بلعب في تليفونه، وكانت صدمة ليا لأنه نسي يمسح الرسائل والسيرش قبل ما ينام'.
الزوج يرفض الطلاق
وتابعت: 'كنت منهارة وواجهته واعترف أنه بيضعف أحيانا لكن بيحاول يتعالج وطلب مني فرصة لكن أنا مش قادرة وصلت أني بقيت بقرف أبص في وشه من كتر الرسائل اللي شوفتها، ومبقتش قادرة أكمل معاه حياة طبيعية ولا أحس بالأمان لطفلي عشان كدا طلبت منه الطلاق لكن هو رفض، عشان كدا رفعت دعوى خلع وأنتظر أولى الجلسات.
تابعوا آخر أهل مصر على Google News
