قالت الصحفية نجاة عبد الرحمن، إن نجلها مصابًا بالتوحد، ونجح في الثانوية العامة بتفوق وحصل على 98% ولكن كلية الفنون الجميلة رفضت التحاقه بها.
وخلال مداخلة هاتفية ببرنامج "على مسئوليتي " المذاع الآن عبر فضائية صدى البلد تابعت عبد الرحمن: ابني من أصحاب القدرات وتفوق وجاب 98% يروح فين يا وزير التعليم العالي عشان عنده توحد ارميه في البحر؟
وواصلت عبد الرحمن: الدكاترة اللي بتقبض فلوس عشان تشتغل، ليه مش يعلموا ابني واللي زيه.. تعداد المصابين بالتوحد في مصر مليون ونصف المليون.
ولفتت عبد الرحمن إلى أن نجلها متفوق في مجال الرسم وسبق وأن قدم رسومًا بمعارض، مستنكرة أن المصابين بالتوحد يدخلون التجارة والحقوق والآداب وعدم التحاقهم بالفنون الجميلة.
واختتمت عبد الرحمن باكية: اللي عنده توحد ده هيدخل حقوق ازاي؟.. هيطلع محامي ولا وكيل نيابة؟.. المفروض يدخلوا الفنون الجميلة عشان يخرجون ما عندهم في الرسم والالوان.
تابعوا آخر أهل مصر على Google News
