منى الشاذلي: "لازم نربي ولادنا إن مش كل طلباتهم مجابة" (فيديو)

كشفت الإعلامية منى الشاذلي، أسرار خاصة عن أسرتها وأسلوبها في تربية بناتها لأول مرة، خلال حلولها ضيفة على برنامج 'الراديو بيضحك'، مع الإعلامية فاطمة مصطفى على الراديو 9090.

وخلال الحوار أكدت الشاذلي، أن لديها 3 بنات، أكبرهن أنهت دراستها الجامعية، ولا يزال لديها توأم في المدرسة، مشيرة إلى أنها أم صارمة للغاية في تربيتها لهن، قائلة: 'الأم والأب مش مفروض يكونوا ديمقراطيين في التربية، أنت ربنا مستأمنك على طفل صغير، يبقى ديمقراطية إيه مع طفل أو مراهق، في أساسيات الأم والأب هم الحراس على تعليمها لأولادهم'.

وأشارت الشاذلي إلى أن أسرتها هي الأساس والواجب المقدس الأول في حياتها، ويأتي بعد ذلك عملها ونجاحها، قائلة: 'أنا بيتي الأساس وشغلي هو اللي جنب بيتي، بتخانق مع جوزي طبعا لأن هو الحنين وأنا اللي بشد عليهم.. لازم نربي ولادنا إن مش كل طلباتهم مجابة لازم يفهموا إن كل حاجة ليها وقت وأوان، حتى لو نقدر نعملها دلوقت'.

ونوهت الشاذلي إلى أنها تتعاطف بشدة مع كل أم عاملة، لأنها تدرك مدى الصعوبة التي تواجهها للتوفيق بين كل هذه الأشياء، موضحة أن الجمع بين النجاح الشخصي والمهني أمر صعب للغاية، مختتمة: أصعب 3 حاجات في الدنيا على أي ست، إنك تبقي ناجحة وعلى رأس عملك، وإنك تحافظي على أسرتك، وبيتك، وأولادك في تربية أنتِ ضميرك راضيها، وتالت حاجة واللي هي الأصعب من ده كله إنك تجمعي الاتنين مع بعض وتحافظي على أسرتك.