الرئيس يطمئن المصريين: مفيش مشكلة بفضل ربنا في أي سلعة

قال الرئيس عبد الفتاح السيسي، خلال كلمته في حفل تكريم المرأة المصرية والأم المثالية،: "كل السلع الأساسية متوافرة داخل الدولة المصرية، ومفيش مشكلة بفضل ربنا في أي سلعة أساسية، حاجتنا موجودة وزيادة وده فضل ربنا علينا، وجهد الدولة وجهدكم، موضوع الصوامع مثل مستودعات البوتاجاز".

وأضاف الرئيس، :"ده اتعمل في ملف مستودعات البوتاجاز، وكمان تم التطوير في مستودعات للزيوت المستخدمة في طهي الطعام، خلاصة الكلام كنا محتاجين نتعامل في تحديات ومطالب الدولة بما يتطلب من الحلول العلمية المخططة اللي بتطلبها الدولة".

وتابع السيسي: "يعنى ايه دولة فيها 100 مليون، دي مش حاجة بسيطة، تنظيم حياة الناس دي من أول السفينة اللى بتجيب القمح لحد رغيف العيش يوصل إليها، ده على مستوى مصر، طب في العالم فيه مشكلة كبيرة جدا في سلاسل التوريد نتيجة الأزمة الكبيرة اللى الكل متابعتها حاليا، ولها تأثيرات اقتصادية على سعر البترول".

وأردف الرئيس،: "كنا بنتكلم في سعر البرميل من 60- 70 دولار.. دلوقتي سعر البرميل بنتكلم في 115 -120 دولار.. ونتمنى أن الأزمة دي تنتهي سريعا حتى لا يحدث قفزات أخري".