عصام الحضري: «أبويا كانت أيديه طرشة وحرقلي هدومي»

كشف عصام الحضري، مدرب حراس مرمى المنتخب، اليوم الإثنين، حقيقة حرق والده لملابسه.

ورد عصام الحضري، على سؤال وجهته له العرافة، خلال حلوله ضيفًا على برنامج 'العرافة'، الذي يذاع على قناة المحور، حيث قالت له: ينفع يا سد ياعالي تخلي باباك يزعل منك كل شوية، وكل مايزعل منك يحرقلك هدومك، ووالدتك هي اللي كانت بتدافع عنك ومتخليهوش يحرقهالك'، ليوضح ذلك قائلًا: حصل.. الحاجة الصح هاقولك حصلت، جه والدي قالي دراسة وكورة مفيش، دراسة بس، ووالدتي قالتلي هداري عليك، وكان عندنا بلكونتين، واحدة كنت انط منها علشان أروح ألعب كرة، وكنت أرجع أغسل هدومي في الترعة، واعصره وأرجع أنط من الشباك'.

وتابع الحضري، والدي علم بتلك الواقعة بطريقة غير مباشرة، فقام بإحراق الملابس أمام عيني، موضحًا 'مش قادرة أقولك الدموع كانت عاملة أزاي'.

وأضاف أن تلك الواقعة تكررت مرة أخرى فكنت وقتها ألعب خلال دورة رمضانية، وعاودت للمنزل في وقت متأخر من الليل، وكان لايوجد مواصلات من دمياط، فعدت لكفر البطيخ حوالي 7 كيلو سيرًا على الأقدام، متابعًا: 'أول مارجعت خدت علقة وجوز أقلام وأيديه كانت طرشة ومن زعلي قلعت اللبس، ومعرفش هو كان ممكن يعمل أيه وحرقه، لكن لما بدأت ألعب والناس تعرفني هو بقى اللي يقف'. جنبي