عصام شعبان عبدالرحيم عن زواج والده من منار حمزة: كدابة

كشف النجم عصام شعبان عبدالرحيم، عددا من كواليس حياته الشخصية.

وخلال لقائه ببرنامج "سابع سما" مع الإعلامية راغدة شلهوب، المُذاع عبر فضائية "النهار"، مساء الثلاثاء، قال عصام إن الفنان إسلام خليل جزء من نجاحات شعبان عبدالرحيم، متابعًا: "أه اتصالحنا واللي حصل حصل وخلاص وإحنا في الجديد دلوقتي، مينفعش ننكر إنه سبب في نجاح شعبان عبد الرحيم".

وعلق على صورة منار حمزة مع شعبان عبد الرحيم، قائلًا: "منار معملتش حاجة غلط خالص، آخر كلام بيني وبينها قفلت السكة في وشها ولحد دلوقتي مسمعتش صوتها، قولتها يا منار لما تيجي مصر ولقيتي أي حاجة تثبت إن ليكي حاجة عندنا أو حقوق أنا هديكي من ورثي أنا، بس مشوفتش وشها لحد دلوقتي".

وعن زواجها من والده شعبان عبدالرحيم، قال: "لما قالتي أنا كنت متجوزاه قولتلها اثبتي وأنا أديكي اللي إنتي عايزاه، مقدرتش تثبت حاجة، لحد ما أنا قولت لها أنا عايز أتجوزك، قولت لما أشوف أخرتها إيه، منار حمزة كدابة".