رضوى الشربيني للرجل الخائن: في ستات كتير ممكن تقبل إنك تتجوز عليها.. اختارلك واحدة منهم

بدأت الاعلامية رضوي الشربيني، حلقتها من برنامجها 'هي وبس'، بتوجيه رسالة نارية لكل رجل خاين ومخادع وغدار.

وقالت الشربيني: 'ليه لما بتنتهي الحكاية يتقال عليك خاين أو مخادع أو راجل غدار؟.. كل بنت أنت بتدخل معاها في علاقة أو بتديها كلمه أو بتديها أماني وبعدين ما بتنفذش كلامك وتكتشف البنت أنك مخادع ده ذنبه عند ربنا كبير جرح قلوب البنات مش سهل'.

وأكملت الشربيني موجهة رسالة شديدة اللهجة للرجال: 'اختاروا اللي تليق على حياتكم اختاروا اللي تليق على شخصيتكم.. في واحده تقبل انك تتجوز عليها واحده تانيه لا.. لو أنت من الرجالة اللي عاوزه تتجوز مثني وثلاث اختار الست اللي تقبل ده ليه تختار ست مش قابله ده؟!!'.

وتابعت الشربيني: 'لما بتعرف واحده واتنين وتلاته وخمسة علي بعض في نفس الوقت! هما مش بني آدمين زيك عندهم مشاعر وكرامه وكبرياء؟'.

ووجهت للسيدات كلمة قائلة: 'الست أو البنت مسئولة أكتر من الراجل الخاين أو المخادع في العلاقة كنتي فين وهما بيهمل فيكي! لازم تتعلمي تقولي لاه ولازم لما تقولي لاه تبقي لاه'.