نيرمين الفقي: "لغاية دلوقتي مقولتش لحد بحبك.. ومعنديش مشكلة أتجوز رجل من ديانة أخرى"

علقت الفنانة نيرمين الفقي على شائعة زواجها من رجل غير ديانتها، مشيرة إلى أنها ليس لديها مانع من الديانات الأخرى.

وخلال لقائها مع برنامج 'عرب وود'، قالت الفقي: 'أنا طلع عليا شائعات كتير.. والناس جوزوني وطلقوني وخلفوني وقالوا إن عندي 50 و60 سنة ومرة جوزوني حد مش من ديانتي، وأنا معنديش مشكلة لأني مش معقدة ومش ضد الديانات.. كلنا خلق الله'.

وتابعت الفقي: 'نفسي يكون رجل بمعنى الكلمة، يحميني ويكون مصدر أمان بالنسبة لي، ويدعمني في حياتي، ونفسي في راجل أقدر أقول له بحبك، أنا حتى الآن لم أجد الشخص الذي أعبر له عن حبي، ونفسي في راجل محترم ويحتويني'.

واختتمت الفقي: 'لغاية دلوقتي ما قولتش لحد بحبك خالص، أنا عايزة راجل أحس إن ده أماني وسندي في الحياة، ويقوِّيني ويكبَّرني، حتى لو الواحد وصل لحتة معينة في شغله يكون هو في ضهري'.