خنقني بالحزام وخايفة يقتلني.. سيدة متزوجة تستغيث من زوجها

اشتكت سيدة تدعى مها من القاهرة، من معاملة زوجها لها داخل منزلها، مردفة: 'خنقني بالحزام وبنتي طلعت تجري في الشارع وخافت من المنظر'.

وخلال برنامج 'الدنيا بخير' عبر قناة 'الحياة' مساء اليوم، دخلت السيدة في نوبة بكاء قائلة: 'زوجي لما يتطاول عليا وييجي يضربني بقوله أنت هتموتني بالطريقة وعيالنا هيروحوا فين، وطلبت له الشرطة عشان كنت خايفة يقتلني'.

وتابعت: 'بنتي عندها 10 سنوات لما زوجي بيضربني يطلع من البلكونة وتصوت والجيران يتلموا علينا، وساعتها نفسيتي بتتعب'.

واختتمت: أنا غلطت عشان طلبت الشرطة له، وعاقبني ومنع عني الفلوس عشان موقف الشرطة، وكل ما يجي يضربني بصوت تحت منه، والجيران يدخلوا عليا وهدومي ساعات مش بتكون عليا.