علق عبدالعزيز السيد، رئيس شعبة الدواجن، على ارتفاع أسعار البيض والفراخ والعلف، رغم الإفراج عن كميات من الأعلاف في الموانئ.
وقال عبدالعزيز السيد، خلال مداخلة هاتفية لـ برنامج 'الحكاية' تقديم الإعلامي عمرو أديب، المذاع على قناة 'إم بي سي مصر': 'عندما يصدر قرار من رئيس مجلس الوزراء لابد أن أرى أن هناك انفراجة على أرض الواقع لكن للأسف الشديد مفيش انفراجة العلف بيزيد حتى الناس اللي كانت قاعدة في الاجتماع مع رئيس الوزراء زودت العلف ٢٠٠ و٣٠٠ و٤٠٠ جنيه'.
وأضاف رئيس شعبة الدواجن: ' الصويا كانت بـ٢٦ بقت بـ٢٢ والذرة بـ١٠٨٠٠، والعلف ١٦٢٠٠ حتى ١٦٤٠٠، مازال المنتج الصغير نقوله اتحرك يقول على أي أساس الحاجة بتغلى مبتنزلش.. وهو ده اللي احنا خايفين منه إني المنتج الصغير اللي هو صاحب المنظومة يبعد نهائيا فيعمل شحية كبيرة وتعمل مشكلة'.
وتابع عبدالعزيز السيد: ' حتى الآن لم يسمع الإفراج عن مكونات العلف في السوق، مازال هناك شح في العلف، الناس مش عاوزة تخش في المنظومة اللي خرج صغار المربين، ولما بدأ الانفراجة تنزل من عند رئيس الوزراء بدأت الناس ترفع الأسعار'.
وأكمل: 'لازم يكون في رقابة وإيه الأسباب اللي أدت لارتفاع الأسعار، البيض زي ماهو بقاله ٢١ يوما سعره في المزرعة ٧٠ و٧٣ الدواجن هي اللي زادت كانت بـ٣٢ بقت بـ ٣٤ في المزرعة لأني احنا قولنا من مدة إني سعرها الطبيعي حسب التكلفة الفعلية ٣٧ بيبيع بالرخيص'.
تابعوا آخر أهل مصر على Google News
