عمرو أديب: بايدن خلى الدنيا حلاوة سمسمية والإخوان كانوا فاكرينه هيعمل مشاكل

علق الإعلامي عمرو أديب، على فشل دعوات الإخوان للنزول يوم ١١/١١.

وقال عمرو أديب، خلال تقديم برنامج 'الحكاية' المذاع على قناة 'إم بي سي مصر': ' مواقع الإخوان بعد الساعة الواحدة ظهرا قلبت قالك خلاص منفعتش.. اقلب اشتغل عليه في حاجة تانية استنى بايدن جايز يجي ينكد عليهم'.

وأضاف عمرو أديب: ' وطبعا بايدن جه عمل الدنيا حلاوة سمسمية قالك بسم الله الرحمن الرحيم مصر أم الدنيا اقلب شوف حاجة تالتة'.

وتابع عمرو أديب: ' أنا بصراحة كمواطن مصري وقاعد معاكم في كل الأحوال حضراتكم شوفتوني في كل المصائب ودايما اليوم ده بيجي في يوم النبطشية بتاعتي.. أنا ميهمنيش ١١/١١ أنا يهمني إني البلد دي عندها تحديات ومشاكل لازم إن شاء الله تقدر تواجهها.. يهمني اللي بيجرى بره العلاقات الدولية الاستثمار في البلد رجال الأعمال'.