الرئيس السيسى ممازحًا وزير الداخلية: «كل يوم تقولوا مسكتوا كام واحد.. ما تمسكهم وخلاص»

مازح الرئيس عبدالفتاح السيسي، وزير الداخلية محمود توفيق، حول الأخبار المتداولة بصفة دورية عن إلقاء القبض على بعض التجار الذين يرفعون الأسعار أو يقومون بتخزين السلع، وذلك خلال فعاليات افتتاح المرحلة الثانية من مشروع 'سايلو فودز' في مدينة السادات بمحافظة المنوفية.

وقال الرئيس السيسي، خلال احتفالية افتتاح المرحلة الثانية من مدينة الصناعات الغذائية 'سايلو فودز' بمدينة السادات في محافظة المنوفية، اليوم الخميس: 'الأزمة اللي مرت علينا في الـ4 شهور اللي فاتوا ان شاء الله متجيش تاني ونكمل طريقنا بشكل أفضل  مما كنا عليه'.

افتتاح مشروع سايلو فودز

وأضاف: 'محدش يتصور المواطن يدخل المحل نلاقي سلع بـ3 والتاني ب 3.5 دا صحيح بيحصل، بس لو تصورتوا ممكن الدولة تقدر تقوم بدور للسيطرة على هذا الأمر دا صعب للغاية، لكن كمواطنين لو لقيت المحل غالي متشتريش منه ونبقى ادينالهم الدرس طالما بيغلي في الأسعار بلاش منها خالص لغاية ما الأمور تنتظم معانا'.

ووجه الرئيس السيسي حديثه لوزير الداخلية، قائلًا: 'مش مستريح كل يوم وزارة الداخلية تطلع تقول مسكنا ومسكنا، يعني أنت مطلعنا شكلنا وحش أوي، بجد كل يوم في النشرة مسكتوا كام واحد ما تمسكهم وخلاص'.

وشهد الرئيس عبدالفتاح السيسي، صباح اليوم الخميس، احتفالية افتتاح المرحلة الثانية من مدينة الصناعات الغذائية (سايلو فودز) بمدينة السادات في محافظة المنوفية