«اشتري النهاردة أحسن من بكرا».. شعبة الأجهزة المنزلية: «أنزل اشتري عشان العجلة تدور»

وجه أشرف هلال رئيس شعبة  الأجهزة المنزلية والكهربائية باتحاد الغرف التجارية، عدة نصائح للمقبلين على الزواج في ظل ارتفاع الأسعار الكبير في الفترة الحالية.

وقال 'هلال'، في تصريحات تلفزيونية على فضائية 'سي بي سي'، :ياريت المقبلين للزواج بلاش تشتري لكل الغرف زي أوضة النوم والصالة والمطبخ واوضة الاطفال جهاز تلفزيون، كفايا عليك هو جهاز تلفزيون واحد، بدل ما تشتري تلاجة ليك لحماتك اشتري تلاجة واحدة'.

ركود أسعار الأجهزة الكهربائية

وأضاف، قائلًا: 'الناس اللي بتعمل الجمعيات مبقتش بتكفي عشان شراء الأجهزة، والأزواج بيستغلوا فترة الخطوبة سواء سنة أو سنتين عشان يشتروا الأجهزة طوال هذه الفترة هو مش بيشتريها مرة واحدة'.

وتابع: 'في حالة ركود كبيرة بسبب ارتفاع الاسعار، لكن اللي تشتريه النهاردة احسن من اللي تشتريه بكرا، انزل اشتري علشان العجلة تدور،  لو مش عايز تشتري النهاردة انتظر لكن دا هياثر على التاجر والمصنع، احنا عايزين عجلة الاقتصاد تمشي واللي اشتري امبارح احسن من اللي اشترى النهاردة'.