تامر أمين عن الهجوم عليه بسبب لحم الحمير: كنت مبسوط وأنا بتشتم

تحدث الإعلامي تامر أمين عن الهجوم الذي تعرض له بسبب حديثه عن لحم الحمير في حلقة من برنامجه الشهير 'آخر النهار'.

وخلال حواره اليوم ببرنامج العرافة مع الإعلامية بسمة وهبة، قال أمين: 'أنا قعدت اتفرج على الفيلم العربي بتاع الحمير دا ومرضيتش ادخل أعقب والحقيقة القصة دي هي كاشفة جدا للي بيحصل في حياتنا'.

وتابع أمين: 'نحن في زمن السوشيال ميديا بامتياز، هي اللي بتحرك وتوجه وصاحبة الحقيقة المطلقة.. ايه الغلط في اللي انتي تعملي شغلك وتعملي تحقيق.. وكلامي كان استفهامي، بس السوشيال ميديا بتوجه ما تريد، والقناة شالت الفيديو عشان خافوا من الهجوم عليا.. انا من وجهة نظري مغلطتش'.

واستكمل أمين: 'إحنا خدنا على لحم الحمير، وأنا مقبلش أكل لحم حمير، أنا أكتر واحد بعتذر، ومسح الفيديو مش اعتذار بس عشان وجع الراس، طالما أنا بعمل شغلي التحقيقي'.

واختتم أمين: 'الشتيمة خير، فكرة أن حد اهتم بيك معناها أن ليك وجود ومؤثر، وكنت مبسوط من الحالة.. اتحداكي أن أي مذيع في مصر لا يفكر في التريند في شغله'.