أيمن بهجت قمر: ندمت على أغنية "أنا بعشق أمك".. لكن كان عليا أقساط ومحتاج فلوس

قال الشاعر أيمن بهجت قمر: "لما عملت "سيدتي الجميلة" حلمت بأبويا، وبعد أسبوع حلمت بسمير خفاجة، والاتنين كانوا مبسوطين جدا، بعد ما كنت هعيده تاني".

وخلال لقائه ببرنامج "أنا والقناع" عبر قناة الحياة، مع الإعلامية منى عبدالوهاب، أكد الشاعر أن العام الماضي كان عام ضبابي له، وأخذ قرارات مهمة في اهتمام بنفسه وصحته وعمله وعلاقاته، مؤكدا أنه أصبح يهتم بنفسه.

واختتم قمر: "أغنية أنا بعشق أمك في فيلم "المش مهندس حسن" أغنية وحشة، وبندم عليها ومكنتش حابب أعملها، وكانت إفيه في الفيلم، وكانوا عاوزينها في أغنية، كان عليا التزامات وأقساط وكنت محتاج فلوس، واضطريت أعمل كده، ودي من المرات النادرة، ودي غلطتي ويمكن عشان عاوز الفلوس بسرعة محاولتش أقنعهم، ولازم أعترف عشان الشباب اللي طالع يعرف إنه ميعملش كده وميغلطش زيي".