عقب رجل الأعمال نجيب ساويرس، على تصريحات شقيقه «سميح ساويرس»، والتي تحدث فيها عن استثماراته داخل مصر، ورغبته في الاستثمار في دولة السعودية الفترة القادمة.
وقال 'ساويرس'، خلال تصريحات تليفزيونية إن حديث شقيقه سميح ساويرس كانت بحسن نية، مضيفًا: 'لازم الناس ما تفترضش سوء النية في عيلة أو فرد زي أو زي سميح، سميح قال على فكرة المستثمرين خايفين يجوا عشان مش عارفين سعر الدولار بكرة شكله اية، اللي قاله مفيش حاجة غلط ودا صحيح ، ودا بخبرتنا وكلامنا مع مستثمرين آخرين'.
وأضاف، قائلًا: 'احنا نفسنا لما بنيجي نحضر دراسات جدوى عندنا عنصر مش قادرين نضعه في المعادلة وهو سعر الدولار في السوق'، متابعًا: 'إحنا عيلة بتحب مصر أكثر من نفسنا، مش ممكن سميح يكون ليه غرض غير مصر'.
مشروعات ساويرس
وأضاف أن البعض قام بتأويل وتفسير تصريحات سميح ساويرس وترويجها لأغراض أخرى تضر بمصر، مؤكدًا أن سميح أكثر شخص له مشاريع في مصر، والجونة لديها خطة لبناء نحو 30 فندقًا، إضافة إلى مرحلة رابعة من المارينا، فضلًا عن إنشاء جامعة هناك.وأكمل: 'أنا عن نفسي لما بقول حاجة، لازم الناس تبقى عارفة، هل الناس دي وطنيين ولا مش وطنيين؟ لو مش وطني أقلق من كلامه، لكن لو هو بيحب بلده أشوفه هو بيقول إيه، ما يمكن يقدر يساعد في الحل'، مرادفًا: 'لازم نستحمل ونقف مع بعض ونترك خلافاتنا على جنب دا مش وقته البلد محتاجنا دلوقتي، واللي يبقى ضد بلدنا ويستغلنا هنفرمه'.
تابعوا آخر أهل مصر على Google News
